Cynulliad Cenedlaethol Cymru
Gwasanaethau monitro
Mae Gwasanaeth Ymchwil yr Aelodau’n darparu nifer o wasanaethau sy’n tracio busnes y Cynulliad, deddfwriaeth y Cynulliad a busnes perthnasol Senedd y DU.
Hysbysiad Busnes
Mae’r Hysbysiad Busnes yn cynnwys manylion am holl gyfarfodydd Cyfarfod Llawn a phwyllgorau ar gyfer yr wythnos gyfredol a’r wythnos sydd i ddod. Mae hefyd yn darparu mynediad at y busnes diweddaraf a gyflwynwyd neu a osodwyd gerbron y Cynulliad, yn cynnwys deddfwriaeth. Caiff y wybodaeth hon ei diweddaru drwy’r wythnos i gynnwys unrhyw newidiadau diweddar i gyfarfodydd ac agendau a drefnwyd:
Datblygiad ymchwiliadau pwyllgorau craffu
Darpara’r dudalen hon wybodaeth ddiweddar am hynt ymchwiliadau Pwyllgorau Craffu’r Trydydd Cynulliad:
Datblygiad ymchwiliadau pwyllgorau craffu
Datblygiad Gorchmynion Cymhwysedd Deddfwriaethol a Mesurau
Rhydd y dudalen hon grynodeb diweddar ar hynt holl Orchmynion Cymhwysedd Deddfwriaethol a Mesurau’r Cynulliad, ac mae’n cynnwys lincs i’r dogfennau perthnasol a rhagor o wybodaeth esboniadol. Caiff ei ddiweddaru’n gyson:
Datblygiad Gorchmynion Cymhwysedd Deddfwriaethol a Mesurau
Nodiadau tracio pwerau’r Cynulliad
Darpara’r nodiadau hyn gofnod diweddar o welliannau, arfaethedig a gwelliannau a basiwyd, i bob un o’r 20 Maes a gynhwysir o fewn Atodlen 5 i Ddeddf Llywodraeth Cymru 2006:
Nodiadau tracio pwerau’r Cynulliad
Ochr yn ochr â nodiadau tracio pwerau’r Cynulliad, darparwn fersiwn wedi’i diweddaru o Atodlen 5 i Ddeddf Llywodraeth Cymru (fel y’i diwygiwyd).
Busnes San Steffan
Mae’r dudalen hon yn dwyn sylw at fusnes perthnasol Senedd y Deyrnas Unedig am yr wythnos i ddod, yn cynnwys mesurau’r DU sy’n arwyddocaol i Gymru, dadleuon Aelodau Seneddol Cymru, gweithgaredd y Pwyllgor Dethol ar Faterion Cymreig ac ati.:
Rhaglen ddeddfwriaethol Llywodraeth y DU
Mae’r dudalen hon yn olrhain hynt Mesurau a nodwyd fel rhai’n cynnwys pwerau ‘fframwaith' (i wneud Mesurau) ar gyfer Cymru a/neu ddarpariaethau i Gymru. Caiff y dudalen ei diweddaru’n gyson. Hefyd darperir dolenni at ddogfennau perthnasol:
The UK Government’s Legislative Programme 2009 - 2010
Mae briffiau gan Wasanaeth Ymchwil yr Aelodau yn cael eu ysgrifennu ar gyfer Aelodau'r Cynulliad a'u staff. Mae’r awduron ar gael i drafod y papurau gydag Aelodau a'u staff ond nid yw'n bosib i roi cyngor i'r cyhoedd. Dylai unrhyw sylwadau'n cael eu anfon at Wasanaeth Ymchwil yr Aelodau, Cynulliad Cenedlaethol Cymru, Caerdydd CF99 1NA, neu drwy ebost i MembersLibrary@wales.gsi.gov.uk.
Yn unol â Chynllun Iaith Gymraeg Cynulliad Cenedlaethol Cymru, yn Saesneg yn unig y cynhyrchir dogfennau nad ydynt yn cael eu creu at ddefnydd y cyhoedd yn bennaf. Serch hynny, gwneir pob ymdrech i gyhoeddi rhai o gyhoeddiadau Gwasanaeth Ymchwil yr Aelodau yn Gymraeg hefyd, wedi ystyried eu cynnwys, eu hyd a'r cyfnod y bydd y wybodaeth yn berthnasol.
Dylai pobl sydd angen fformat arall i'r rhain sydd ar gael ar y wefan hon i weld y ffeiliau gysylltu â ni. Gwnawn ein gorau i gwrdd â'ch anghenion.
