Pwyllgor Addysg a Dysgu Gydol Oes (Tachwedd 2000 - Ebrill 2003)

Technoleg Gwybodaeth a Chyfathrebu mewn Addysg

Adolygiad Polisi

TGCh mewn Addysg yng Nghymru

Swyddogaethau diwygiedig

Cam 1

Ymchwilio i'r ffordd y mae'r Grid Cenedlaethol ar gyfer Dysgu yn datblygu yng Nghymru er mwyn:

1. Adolygu'r cynnydd a wnaed wrth geisio cyrraedd y targed o gysylltu pob ysgol â'r Grid erbyn 2002.
2. Ystyried i ba raddau y gall Awdurdodau Addysg Lleol gydweithredu'n fwy wrth iddynt ddatblygu eu rhwydweithiau dysgu eu hunain gyda ffocws arbennig ar gaffael ar y cyd;
3. Ystyried yr angen am ragor o ganllawiau arbenigol i Awdurdodau Addysg Lleol ar y ffyrdd mwyaf effeithiol o rwydweithio i ysgolion.

Cam 2

Datblygu casgliadau cam 1 drwy:

1. Ymchwilio i werth datblygu Cytundeb Fframwaith Cenedlaethol i ategu'r broses gaffael er mwyn sicrhau darbodion maint;
2. Ymchwilio i'r rhesymau pam nad yw'r gwasanaeth sy'n dwyn nod barcud Asiantaeth Technoleg a Chyfathrebu Addysgol Prydain (BECTA) yn diwallu anghenion Awdurdodau Addysg Lleol ac ystyried, ynghyd ag ADEW, ffyrdd o wella hyn;
3. Ymchwilio, ynghyd ag ADEW, ACCAC a phartïon eraill sydd â diddordeb, p'un a yw'n ymarferol sefydlu rhwydwaith TGCh Cenedlaethol i Gymru o fewn y sector cyhoeddus. Ymchwilio hefyd i oblygiadau sefydlu rhwydwaith o'r fath o ran amser ac adnoddau;
4. Ystyried ffyrdd o hybu mwy o gydweithredu ledled Cymru wrth ddatblygu meddalwedd addysgol dwyieithog sy'n ategu'r cwricwlwm cenedlaethol;
5. Adolygu'r ffordd y mae athrawon yng Nghymru yn cael eu hyfforddi ym maes TGCh a'r cymorth sydd ar gael iddynt wrth ddefnyddio TGCh o fewn y cwricwlwm cenedlaethol;
6. Ystyried gwerth creu tîm Grid Cenedlaethol ar gyfer Dysgu i Gymru, er mwyn datblygu a chynnal gwefan y Grid yng Nghymru, a fydd, yn ei thro, yn diwallu anghenion athrawon Cymru.

Dogfennau Allweddol

Dyma'r dogfennau allweddol. I agor dogfen, cliciwch ar gyfeirnod y papur.