Pwyllgor Busnes (Mai 1999 - Ebrill 2003)

Ar 6 Mehefin 2000, yn yr ysbryd agored a chynhwysol sydd ohoni, cyhoeddodd Pwyllgor Busnes y Cynulliad Cenedlaethol y byddai'n cyhoeddi cofnodion ei gyfarfodydd yn y dyfodol, chwe wythnos ar ôl pob cyfarfod. Mae'r Pwyllgor Busnes yn cyfarfod bob wythnos ar ddydd Mawrth pan fydd y Cynulliad yn cwrdd. Y Dirprwy Lywydd yw'r cadeirydd ac mae'r Trefnydd a Rheolwyr Busnes y tair plaid arall hefyd yn bresennol. Mae'r Pwyllgor yn rhoi cyngor ynghylch y ffordd y caiff busnes y Cynulliad ei reoli ac arferion cyffredinol ynghylch gweithdrefnau'r Cynulliad. Mae Rheol Sefydlog 13 y Cynulliad Cenedlaethol yn darparu manylion llawn ynghylch cylch gwaith y Pwyllgor.Mae'r termau canlynol yn cael eu defnyddio ar gyfer y broses arfaethedig o ran eitemau is-ddeddfwriaeth unigol:

• Y weithdrefn estynedig (pwyllgor pwnc a dadl mewn cyfarfod llawn)
• Y weithdrefn safonol (penderfyniad mewn cyfarfod llawn gyda dadl)
• Y weithdrefn gyflymach (penderfyniad mewn cyfarfod llawn heb ddadl)
• Y weithdrefn weithredol (gweithdrefnau penodol wedi'u datgymhwyso drwy gytundeb Cabinet y Cynulliad)