Y Pwyllgor Cyfiawnder Cymdeithasol ac Adfywio

Roedd cylch gwaith eang y Pwyllgor yn seiliedig ar bortffolio Gweinidog y Cynulliad dros Gyfiawnder Cymdeithasol ac Adfywio. Roedd y portffolio yn ymwneud â rhaglen y llywodraeth i adfywio cymunedau Cymru, yn enwedig y rheini sy'n dioddef yr anfanteision mwyaf. Roedd yn cynnwys:

• Cymunedau yn Gyntaf;
• mentrau gwrth-dlodi;
• yr economi gymdeithasol;
• y sector gwirfoddol;
• diogelwch cymunedol a chysylltiadau â'r heddlu;
• y gwasanaeth tân;
• camddefnyddio cyffuriau ac alcohol; a
• cyfiawnder ieuenctid a thai.

Prif swyddogaethau’r pwyllgorau pwnc, fel y'u nodir yn Rheol Sefydlog rhif 9, oedd: datblygu polisi; craffu ar Weinidogion a chyrff a noddir gan y Cynulliad; a chraffu ar ddeddfwriaeth. Roedd y Pwyllgor hefyd yn rhoi cyngor ar ddyrannu cyllidebau.