Y Pwyllgor Menter, Arloesi a Rhwydweithiau

Roedd cylch gwaith y Pwyllgor yn un eang ac yn adlewyrchu portffolio'r Gweinidog dros Menter, Arloesi a Rhwydweithiau. Roedd y portffolio hwn yn ymwneud ag

• arloesi a menter;
• polisi diwydiannol a chymorth busnes;
• mewnfuddsoddi;
• hyrwyddo cwmnïau cynhenid a datblygu rhanbarthol;
• trafnidiaeth;
• ynni;
• twristiaeth;
• cyfrifoldeb strategol am gydgysylltu TGCh; a'r
• Cronfeydd Strwythurol.

Prif swyddogaethau’r pwyllgorau pwnc, fel y'u nodir yn Rheol Sefydlog rhif 9, oedd: datblygu polisi; craffu ar Weinidogion a chyrff a noddir gan y Cynulliad; a chraffu ar ddeddfwriaeth. Roedd y Pwyllgor hefyd yn rhoi cyngor ar ddyrannu cyllidebau. Cyn i deitlau’r Gweinidogion gael eu newid ar 1 Ebrill 2006, teitl y Pwyllgor Menter, Arloesi a Rhwydweithiau oedd y Pwyllgor Datblygu Economaidd a Thrafnidiaeth.