Y Pwyllgor Addysg a Dysgu Gydol Oes

Roedd cylch gwaith eang y Pwyllgor yn seiliedig ar bortffolio Gweinidog y Cynulliad dros Addysg a Dysgu Gydol Oes. Ymhlith pethau eraill, roedd y portffolio yn ymwneud ag:

• Ysgolion;
• addysg bellach;
• addysg uwch;
• datblygu sgiliau;
• y gwasanaeth ieuenctid; a'r
• gwasanaeth gyrfaoedd.

Yn unol â’r newid i deitlau’r Gweinidogion, ers 1 Ebrill 2006, yr enw newydd ar y Pwyllgor Addysg a Dysgu Gydol Oes oedd y Pwyllgor Addysg, Dysgu Gydol Oes a Sgiliau.

Prif swyddogaethau’r pwyllgorau pwnc, fel y'u nodir yn Rheol Sefydlog rhif 9, oedd: datblygu polisi; craffu ar Weinidogion a chyrff a noddir gan y Cynulliad; a chraffu ar ddeddfwriaeth. Roedd y Pwyllgor hefyd yn rhoi cyngor ar ddyrannu cyllidebau.