Y Pwyllgor Addysg, Dysgu Gydol Oes a Sgiliau

Roedd cylch gwaith eang y Pwyllgor yn seiliedig ar bortffolio Gweinidog y Cynulliad dros Addysg a Dysgu Gydol Oes. Ymhlith pethau eraill, roedd y portffolio yn ymwneud ag:

• ysgolion;
• addysg bellach;
• addysg uwch;
• datblygu sgiliau;
• y gwasanaeth ieuenctid; a'r
• gwasanaeth gyrfaoedd.  

Dyma oedd brif swyddogaethau’r pwyllgorau pwnc, fel y'u nodir yn y rheolau sefydlog 9 : datblygu polisi; archwilio gwaith Gweinidogion a Chyrff a Noddir gan y Cynulliad a chyrff cyhoeddus perthnasol eraill; ac archwilio deddfwriaeth. Roedd y Pwyllgorau hefyd yn rhoi cyngor ar ddyrannu cyllidebau.

Cyn i deitlau'r Gweinidogion gael eu newid ar 1 Ebrill 2006, teitl y Pwyllgor Addysg, Dysgu Gydol Oes a Sgiliau oedd y Pwyllgor Addysg Dysgu Gydol Oes.