LEG(2) 14-06

Y Pwyllgor Deddfau

Craffu Technegol ar Ddeddfwriaeth yn San Steffan

Mae’r nodyn yma yn grynodeb byr iawn ar graffu technegol ar ddeddfwriaeth a materion perthynol yn San Steffan. Mae’r gwaith craffu sydd wedi’i drafod yn gynharach yn adolygiad y Pwyllgor Deddfau wedi ymdrin ag amrediad eang o faterion. Yn San Steffan, mae cyfanswm yr Aelodau yn y ddau Dy yn caniatáu i’r gwaith gael ei rannu rhwng nifer fawr o Bwyllgorau (mae rhagor o fanylion am rai o’r Pwyllgorau wedi’u rhoi os yw’r wybodaeth ar gael ar wefan y Senedd ar ffurf ddefnyddiol) -

Cyd-bwyllgorau

Y Cyd-bwyllgor ar Hawliau Dynol

Cylch gwaith: Y Pwyllgor sy’n gyfrifol am ystyried materion hawliau dynol yn y DU. Er hynny, nid yw’r Pwyllgor yn cael ymchwilio i achosion unigol.

Aelodau o Gymru: Neb.

Y Cyd-bwyllgor ar Offerynnau Statudol

Cylch gwaith: Y Cyd-bwyllgor ar Offerynnau Statudol sy’n gyfrifol am graffu ar yr offerynnau statudol sy’n cael eu gwneud drwy arfer y pwerau sydd wedi’u rhoi gan Ddeddf Seneddol.

Aelodau o Gymru: Y Farwnes Gale.

Pwyllgorau Ty’r Cyffredin

Y Pwyllgor Craffu Ewropeaidd

Cylch gwaith: Y Pwyllgor sy’n asesu pwysigrwydd cyfreithiol a/neu wleidyddol pob dogfen o’r UE, sy’n penderfynu pa ddogfennau o’r UE sy’n cael eu trafod, sy’n monitro gweithgareddau Gweinidogion y DU yn y Cyngor, ac sy’n cadw llygad ar ddatblygiadau yng nghyfraith, gweithdrefnau a sefydliadau’r UE.

Aelodau o Gymru - Wayne David AS a Nia Griffith AS.

Y Pwyllgor Diwygio Rheoleiddio

Cylch gwaith: Mae’r Pwyllgor Diwygio Rheoleiddio (olynydd y Pwyllgor Dadreoleiddio) yn craffu ar gynigion y Llywodraeth ar gyfer gorchmynion diwygio rheoleiddio o dan Ddeddf Diwygio Rheoliadau 2001.

Aelodau o Gymru: Neb

Y Pwyllgor Dethol ar Offerynnau Statudol

Cylch gwaith: Y Pwyllgor Dethol ar Offerynnau Statudol sy’n gyfrifol am graffu ar yr holl offerynnau statudol sy’n cael eu cyflwyno gerbron Ty’r Cyffredin yn unig. Mae ei waith yn cyd-fynd yn agos â gwaith y Cyd-bwyllgor ar Offerynnau Statudol.

Aelodau o Gymru: Neb.

Pwyllgorau Ty’r Arglwyddi

Y Pwyllgor Cyfansoddiadol

Cylch gwaith: Mae’r Pwyllgor wedi’i benodi i edrych ar oblygiadau cyfansoddiadol pob mesur cyhoeddus sy’n dod gerbron y Ty ac i gadw llygad ar sut mae’r cyfansoddiad yn gweithio. Mae gan y Pwyllgor swyddogaeth graffu wrth edrych ar fesurau cyhoeddus i chwilio am faterion o arwyddocâd cyfansoddiadol, a swyddogaeth ymchwilio wrth gynnal ymchwiliadau i faterion cyfansoddiadol ehangach.

Aelodau o Gymru: Yr Arglwydd Rowlands.

Pwyllgor Dethol yr Undeb Ewropeaidd

Cylch gwaith: Cylch gorchwyl y Pwyllgor yw ystyried dogfennau’r Undeb Ewropeaidd a materion eraill sy’n ymwneud â’r UE.

Aelodau o Gymru: Neb.

Pwyllgor Dethol Ty’r Arglwyddi ar Bwerau Datganoledig a Diwygio Rheoleiddio

Cylch gwaith: Mae’r Pwyllgor ar Bwerau Datganoledig a Diwygio Rheoleiddio yn cael ei benodi gan Dy’r Arglwyddi ym mhob sesiwn a’i gylch gorchwyl yw cyflwyno adroddiadau ar a yw darpariaethau unrhyw fesur yn dirprwyo pwer i ddeddfu mewn modd amhriodol, neu a ydyn nhw’n dod ag arfer y pwer i ddeddfu o dan lefel amhriodol o graffu seneddol; cyflwyno adroddiadau ar ddogfennau a gorchmynion drafft sy’n cael eu cyflwyno gerbron y Senedd o dan Ddeddf Diwygio Rheoleiddio 2001; a chyflawni, mewn perthynas â dogfennau a gorchmynion a darpariaethau eilaidd o’r fath sy’n cael eu cyflwyno o dan y Ddeddf, y swyddogaethau sy’n cael eu cyflawni mewn perthynas ag offerynnau eraill gan y Cyd-bwyllgor ar Offerynnau Statudol.

Aelodau o Gymru: Neb.

Pwyllgor Dethol Ty’r Arglwyddi ar Ragoriaethau Offerynnau Statudol

Cylch gwaith: Cafodd y Pwyllgor ei benodi am y tro cyntaf ar 17 Rhagfyr 2003 i edrych ar ragoriaethau unrhyw offeryn statudol sy’n dod o dan naill ai'r weithdrefn gadarnhaol neu’r weithdrefn negyddol. Mae’r Pwyllgor yn tynnu unrhyw offeryn sydd wedi’i gyflwyno yn ystod yr wythnos flaenorol at "sylw arbennig y Ty" os yw’r Pwyllgor o’r farn y gallai fod:

a) yn bwysig yn wleidyddol neu’n gyfreithiol am ei fod yn codi materion o bolisi cyhoeddus sy’n debyg o fod o ddiddordeb i’r Ty;
b) yn amhriodol oherwydd newid yn yr amgylchiadau ers i’r rhiant-ddeddf gael ei phasio;
c) yn rhoi deddfwriaeth yr Undeb Ewropeaidd ar waith mewn ffordd amhriodol; neu
d) yn cyrraedd ei amcanion polisi mewn ffordd amherffaith.

Aelodau o Gymru: Y Farwnes Morgan o Drefelin.

Er bod hyn yn tanlinellu hyd a lled y gwaith craffu a allai gael ei wneud gan fwy na 1350 o aelodau, nid yw’n fawr o help i’r Pwyllgor wrth iddo bwyso a mesur sut y gallai gwaith craffu gael ei wneud gan Gynulliad o 60 yn unig o aelodau.

Gwyn Griffiths Mai 2006
Cynghorydd Cyfreithiol APS