Y Pwyllgor Menter a Dysgu

Tymor yr Hydref 2008

Penderfynodd y Pwyllgor fel a ganlyn:

• cymryd tystiolaeth ar Orchymyn Cymhwysedd Deddfwriaethol i wneud darpariaeth ar gyfer fframwaith cyfreithiol i ddatblygu a chynnal rhwydwaith o lwybrau di-draffig i’w defnyddio a’u rhannu yng Nghymru;
• ymgymryd ag ymchwiliad i dwf yr economi yng Nghymru gan ganolbwyntio ar strategaethau datblygu economaidd ac effaith rhaglenni cronfeydd strwythurol 2000-2006 ar yr economi;
• ymgymryd ag ymchwiliad byr i’r Cytundeb ynghylch Llwyth Gwaith Athrawon.

Bydd y Pwyllgor yn parhau i drafod deisebau:

• Deiseb ynghylch prisiau tanwydd – bydd grwp rapporteur yn cymryd tystiolaeth ac yn adrodd ar ei ganfyddiadau i’r Pwyllgor llawn;
• Deiseb “Pride in Barry” – cyfarfod Pwyllgor ffurfiol yn y Barri ym mis Hydref i glywed gan y deisebwyr a rhanddeiliaid allweddol.

Cymorth i Bobl â Dyslecsia yng Nghymru: Cyhoeddi'r adroddiad

Cyhoeddodd y Pwyllgor Menter a Dysgu ei adroddiad 'Cymorth i Bobl â Dyslecsia ar ddydd Mercher, 16 Gorffennaf 2008. Gellir dod o hyd i gopi o'r adroddiad ar dudalen adroddiadau'r Pwyllgor ar y We

Cynhyrchodd y Pwyllgor daflen Cymraeg clir yn crynhoi canfyddiadau'r Grwp Rapporteur ar ddyslecsia

Mwy>>

‘Strategaeth Defnyddio Llwybrau i Gymru: Ymateb gan y Pwyllgor i Ymgynghoriad Network Rail’: Cyhoeddi’r adroddiad

Cyhoeddodd y Pwyllgor Menter a Dysgu ei adroddiad ‘Strategaeth Defnyddio Llwybrau i Gymru: Ymateb gan y Pwyllgor i Ymgynghoriad Network Rail’ ar ddydd Iau, 17 Gorffennaf 2008. Gellir dod o hyd i gopi o’r adroddiad ar dudalen adroddiadau’r Pwyllgor ar y We.

Gweddarllediad Araith Gyweirnod ar gyfer Cynhadledd ar ddefnyddio e-Ddysgu i ddatblygu ymwybyddiaeth o amrywiaeth yn y gweithlu yng Nghymru, gan Gareth Jones AC, Cadeirydd Pwyllgor Menter a Dysgu, Cynulliad Cenedlaethol Cymru:

http://www.engagingdiversity.com/webcast/gj_video

Yr oedd yr araith yn ddwyieithog ac fe barodd am dua naw munud a hanner; Cymraeg oedd iaith draddodi’r pedwar munud a hanner cyntaf.

Nid ydym yn gyfrifol am gynnwys neu ddibynadwyedd y safle cysylltiedig. Ceir rhagor o fanylion am amodau a thelerau y Cynulliad ar gyfer safleodd cysylltiedig yma:

http://www.cynulliadcymru.org/terms.htm