Cynulliad Cenedlaethol Cymru
Y Pwyllgor Cyllid
Mae'r Pwyllgor Cyllid yn gyfrifol am graffu'n briodol ar gyllideb a gwariant Llywodraeth Cynulliad Cymru, Comisiwn y Cynulliad, yr Ombwdsmon, y Comisiynydd Plant, y Comisiynydd Pobl Hyn a’r gwahanol Gyrff a Noddir gan Lywodraeth y Cynulliad a Chyrff y Gwasanaeth Iechyd.
Yn gyffredinol mae gan y Pwyllgor dair prif swyddogaeth:
- Ystyried y cynigion ar gyfer cyllideb y Cynulliad, a chyflwyno adroddiad arnynt;
- Ystyried y wybodaeth ariannol a gyflwynir gyda Mesurau Cynulliad, a lle bo’n briodol, cyflwyno adroddiad arni;
- Ystyried unrhyw fater arall sy’n ymwneud â gwariant y Llywodraeth neu wariant o Gronfa Gyfunol Cymru, neu sy’n effeithio ar y gwariant hwnnw.
Mae Rheol Sefydlog 14 y Cynulliad Cenedlaethol yn rhoi manylion llawn am weithdrefnau'r pwyllgor ac mae Rheol Sefydlog 27 yn nodi’r amserlen ar gyfer trefnu cyfarfodydd gyda golwg ar y broses gyllid.
Cyhoeddodd y Pwyllgor Ganllawiau ar wybodaeth i gyd-fynd â Mesur Cynulliad arfaethedig ym mis Ionawr 2009.
Newyddion Diweddaraf
Mae'r Pwyllgor Cyllid wedi cyhoeddi ei adroddiad sy'n dwyn y tetil, "Adroddiad ar Ariannu Seilwaith Ffyrdd" (Ionawr 2010) (PDF, 952 KB)
Mae'r Pwyllgor Cyllid yn cynnal ymchwiliad i Ariannu addysg ôl-16, addysg bellach ac addysg uwch. Gellir dod o hyd i fwy o wybodaeth yma.
Mae'r Pwyllgor Cyllid wedi cyhoeddi ei adroddiad sy'n dwyn y tetil, "Adroddiad gan y Pwyllgor Cyllid ar Amcangyfrifon Ombwdsmon Gwasanaethau Cyhoeddus Cymru ar gyfer y Flwyddyn Ariannol 2010-11" (PDF, 903KB)
Aelodau'r Pwyllgor a'r staff
Pwy yw pwy ar y Pwyllgor. Gellir gweld manylion cyswllt Aelodau’r Cynulliad a staff y Pwyllgor yma
Agendâu, papurau a thrawsgrifiadau
Gellir gweld agendâu, papurau a thrawsgrifiadau'r cyfarfodydd yn yr adran hon
Cyfarfod Nesaf
Cynhelir cyfarfod nesaf y Pwyllgor ar Ddydd Mercher 24 Chwefror 2010
Ar hyn o bryd, cynhelir cyfarfodydd y Pwyllgor Cynaliadwyedd ar fore Mercher
Dyddiadau cyfarfodydd yn y dyfodol (gallent newid)
