Cynulliad Cenedlaethol Cymru
Yr Is-bwyllgor Datblygu Gwledig
Sefydlwyd yr Is-bwyllgor Datblygu Gwledig ar 5 Gorffennaf 2007 a’i gylch gwaith yw craffu ar waith Llywodraeth Cynulliad Cymru yn y meysydd hynny y mae ganddi gyfrifoldeb drostynt ac sy’n effeithio ar ddatblygu gwledig ym marn yr is-bwyllgor.
Bydd yr Is-bwyllgor yn parhau, yn amodol ar adolygiad blynyddol o’i gylch gwaith a’i waith gan y Pwyllgor Cynaliadwyedd, cyhyd ag y bydd y Pwyllgor Cynaliadwyedd yn parhau.
Mae Rheol Sefydlog 10.17 yn nodi y caiff Is-bwyllgor ei reoleiddio gan yr un Rheolau Sefydlog â’r rhiant-bwyllgor. Felly, bydd yr Is-bwyllgor yn cyfarfod yn ffurfiol yn gyhoeddus (ac eithrio pan fydd y pwyllgor yn penderfynu cyfarfod yn breifat yn ystod sesiwn ffurfiol). Caiff unrhyw adroddiad a gynhyrchir gan yr Is-bwyllgor ei gyflwyno i’r Pwyllgor Cynaliadwyedd i’w gymeradwyo ac, os bydd yn briodol, ei osod gerbron y Cynulliad.
Newyddion Diweddaraf
Ymchwiliad i Dlodi ac Amddifadedd yn y Gymru Wledig
Lansiwyd yr adroddiad hwn ddydd Mercher, 23 Gorffennaf yn Sioe Frenhinol Cymru, a gellir gweld yr adroddiad ar y wefan hon yn yr adran 'Ymchwiliadau a gynhaliwyd gan y Pwyllgor'.
Ymchwiliad Craffu – Ad-drefnu Ysgolion yng nghefn gwlad Cymru: Galwad am dystiolaeth
Mae’r Is-bwyllgor Datblygu Gwledig yn cynnal ymchwiliad byr i’r addysg a ddarperir yng nghefn gwlad Cymru a’r broses o ad-drefnu ysgolion yng nghefn gwlad. Mae'r cyfnod ar gyfer cyflwyno tystiolaeth ysgrifenedig wedi cau bellach, a bydd y pwyllgor yn cyhoeddi ei adroddiad yn yr hydref.
Dyddiadau cyfarfodydd
Cynhelir cyfarfodydd y pwyllgor ar y dyddiadau a ganlyn
02 Hydref 2008
13 Hydref 2008
23 Hydref 2008
06 Tachwedd 2008
27 Tachwedd 2008
Gweler yr agendâu i gael gwybod amseroedd a lleoliadau'r cyfarfodydd
Ymchwiliadau a gynhaliwyd gan y pwyllgor
Mae rhagor o wybodaeth am ymchwiliadau a gynhaliwyd gan y pwyllgor ar gael yma
Mwy>>
Mwy>>
