Y Pwyllgor Cyllid

Canllawiau ar wybodaeth i gyd-fynd â Mesur Cynulliad arfaethedig

1. Mae Rheol Sefydlog 23.18, yn yr adran "Dogfennau i gyd-fynd â Mesur Arfaethedig” , yn nodi ”

23.18 Ar yr un pryd ag y bydd Aelod yn cyflwyno Mesur arfaethedig, rhaid

hefyd gosod Memorandwm Esboniadol y mae’n rhaid iddo: …

(vi) nodi’r amcangyfrifon gorau o’r canlynol: :

(a)   unrhyw gostau gweinyddol, costau cydymffurfio a chostau eraill y byddai darpariaethau’r Mesur arfaethedig yn arwain atynt;

(b) dros ba gyfnodau amser y disgwylid i’r costau hynny godi; a

(c) lle y byddai’r costau’n syrthio;

2. Mae angen i’r Pwyllgor Cyllid fedru asesu a yw goblygiadau ariannol posibl y Mesur arfaethedig, a’r tybiaethau y cafodd ei seilio arnynt, yn rhesymol ac yn realistig. I wneud hyn, mae angen i’r Pwyllgor fedru deall ar ba sail y mae’r Llywodraeth, neu’r Aelod sy’n gyfrifol am y Mesur arfaethedig, wedi asesu goblygiadau ariannol posibl y Mesur arfaethedig.  

3. Mae’r Pwyllgor yn derbyn nad fydd yn bosibl rhoi ffigyrau manwl mewn rhai achosion, ond, ym mhob achos, dylai fod yn bosibl cyflwyno’r wybodaeth lawnaf bosibl i sicrhau tryloywder ac eglurder yn y broses o gostio goblygiadau ariannol posibl y Mesur arfaethedig.

4. Dylai’r wybodaeth hon gynnwys datganiadau clir sy’n rhoi amcangyfrif o effaith ariannol posibl y Mesur, am o leiaf 3 blynedd; a gosod allan yn fanwl;

• ffynonellau a dyddiadau’r data a ddefnyddiwyd;

• y cyfrifiadau neu’r modelau ariannol a ddefnyddiwyd;

• yr amcangyfrifon a/neu’r tybiaethau a wnaed; a

• pa mor gywir a dibynadwy yw’r ffigyrau, yr amcangyfrifon a’r tybiaethau a ddefnyddiwyd wrth gyfrifo ac wrth bennu’r costau terfynol.

5. Os nad yw’n bosibl rhoi amcangyfrif manwl, dylid cynnig ystod o gostau (isafswm ac uchafswm).

6. I hwyluso’r broses ddeddfwriaethol gall swyddogion gysylltu â Chlerc y Pwyllgor unrhyw adeg i drafod y wybodaeth a all fod ar gael i’r Pwyllgor.

Angela Burns
Cadeirydd y Pwyllgor Cyllid

Ionawr 2009