Deddfwriaeth

Mae Deddf Llywodraeth Cymru 2006 yn darparu y gall y Cynulliad wneud cyfreithiau, a elwir yn Ddeddfau.

Mae gwybodaeth am ddeddfwriaeth yn y  Pedwerydd Cynulliad ar gael yn ‘Deddfau’r Pedwerydd Cynulliad’.(Bydd y linc hon ar gael yn fuan)

Cymhwysedd deddfwriaethol y Cynulliad

Gall y Cynulliad wneud cyfreithiau ar nifer o wahanol bynciau – nodir y rhain yn Atodlen 7 (Saesneg yn unig) i Ddeddf Llywodraeth Cymru 2006.

Yn y rhan hon, ceir eglurhad o sut mae’r broses ddeddfu yn y Pedwerydd Cynulliad yn gweithio, gyda gwybodaeth bellach am Filiau a Deddfau, canllawiau a dogfennau, megis Atodlen 7.

Mae'r dudalen hon yn cynnig gwybodaeth gryno am hynt pob Bil a gyflwynwyd yn y Cynulliad ers dechrau'r Pedwerydd Cynulliad (o fis Mai 2011).

Mae Is-ddeddfwriaeth (a elwir hefyd yn ddeddfwriaeth ddirprwyedig neu’n offeryn statudol) yn gyfreithiau a wneir o dan bwerau dirprwyedig Deddf neu Fesur y Cynulliad neu Ddeddf Seneddol. Mae’n cynnwys gorchmynion, rheoliadau, rheolau a chynlluniau, a gall gynnwys canllawiau statudol a gorchmynion lleol.

Pan fydd Senedd y DU yn dymuno deddfu ar fater sydd eisioes wedi'i ddatganoli i Gynulliad Cenedlaethol Cymru, mae confensiwn yn ei gwneud yn ofynnol iddi gael cydsyniad y Cynulliad cyn y gall basio'r deddfwriaeth dan sylw. Rhoddir cydsyniad o'r fath gan y Cynulliad drwy gynigion cydsyniad deddfwriaethol (legislative consent motions).

O bryd i’w gilydd, rhaid i’r Llywydd gynnal Balot i benderfynu ar enw Aelod heblaw Aelod o’r Llywodraeth a gaiff ofyn am gytundeb i gyflwyno Bil Aelod.
Cafodd pwerau deddfu newydd eu rhoi i Gynulliad Cenedlaethol Cymru ar ddechrau’r Trydydd Cynulliad ym mis Mai 2007. Darparwyd ar gyfer y pwerau newydd hyn yn Neddf Llywodraeth Cymru 2006, sy’n galluogi’r Cynulliad i basio deddfwriaeth, a elwir yn Fesurau’r Cynulliad, yn y meysydd y mae ganddo gymhwysedd deddfwriaethol.

Yn yr adran hon

Dod o hyd i wybodaeth am y Cynulliad Cenedlaethol

Rydych chi yma :

  1. Hafan
  2. Busnes y Cynulliad
  3. Deddfwriaeth

Chwilota drwy Gynulliad Cenedlaethol Cymruu

Partneriaid a Help