Cynulliad Cenedlaethol Cymru
Mesur Comisiynydd Safonau Cynulliad Cenedlaethol Cymru 2009
Mesur arfaethedig pwyllgor – cyflwynwyd gan Jeff Cuthbert AC, Cadeirydd y Pwyllgor Safonau Ymddygiad .
Diben y Mesur Arfaethedig
Bydd Mesur Comisiynydd Safonau Cynulliad Cenedlaethol Cymru yn rhoi sail statudol i swydd y Comisiynydd Safonau. Bydd yn sicrhau bod y Comisiynydd, unwaith y caiff ei benodi, yn cael ei weld i fod yn gwbl annibynnol ar y Cynulliad ac felly’n gallu ymchwilio i gwynion yn erbyn Aelodau Pwyllgor gyda gwrthrychedd llwyr. Bydd hefyd yn rhoi pwerau i’r Comisiynydd i’w alluogi i ymchwilio i gwynion yn drylwyr, yn cynnwys y pwer i’w gwneud yn ofynnol i drydydd parti ddarparu gwybodaeth berthnasol.
Cofnod o Daith Mesur drwy Gynulliad Cenedlaethol Cymru
Mae’r tabl canlynol yn nodi’r dyddiadau ar gyfer pob cyfnod o daith Mesur drwy Gynulliad Cenedlaethol Cymru.
| Cynod | Dyddiad |
|---|---|
| Cyflwyno’r Mesur | 25 Mawrth 2009 |
| Cyfnod 1 – Pwyllgor yn ystyried yr egwyddorion cyffredinol* | N/A |
| Cyfnod 1 – Dadl yn y Cyfarfod Llawn ar yr egwyddorion cyffredinol | 13 Mai 2009 |
| Cyfnod 2 – Pwyllgor yn ystyried y diwygiadau ** | 24 Mehefin 2009 |
| Cyfnod 3 – Y Cyfarfod Llawn yn ystyried y diwygiadau | 14 Hydref 2009 |
| Cyfnod 4 – Pasio’r Mesur yn y Cyfarfod Llawn | 14 Hydref 2009 |
| Dyddiad Cymeradwyaeth Frenhinol | 9 Rhagfyr 2009 |
* Pwyllgor ar y Safonau Ymddygiad
** Y Pwyllgor Deddfwriaeth Rhif 1
Y Mesur Arfaethedig a'r Memorandwm Esboniadol
Mesur Arfaethedig Comisiynydd Safonau Cynulliad Cenedlaethol Cymru, fel y’i cyflwynwyd ar 25 Mawrth 2009, a’r Memorandwm Esboniadol.
Mesur Arfaethedig Comisiynydd Safonau Cynulliad Cenedlaethol Cymru, fel y diwygiwyd yn ystod Cyfnod 2 (Caiff y gwelliannau i’r Mesur ers y fersiwn flaenorol eu nodi ar ochr dde’r dudalen. Lle bynnag y bo’n bosibl, defnyddir y rhifau gwreiddiol ar gyfer y darpariaethau a oedd yn y Mesur fel y’i cyflwynwyd).
Mesur Arfaethedig Comisiynydd Safonau Cynulliad Cenedlaethol Cymru (PDF, 151KB), fel y'i pasiwyd.
Mae'r Mesur Comisiynydd Safonau Cynulliad Cenedlaethol Cymru wedi’i gymeradwyo gan Ei Mawrhydi yn y Cyfrin Gyngor ar 9 Rhagfyr 2009.
Y Pwyllgor – Cyfnod 2
Y Pwyllgor Deddfwriaeth Rhif 1wedi ystyried trafodion Cyfnod 2 y Mesur Arfaethedig Comisiynydd Safonau Cynulliad Cenedlaethol Cymru.
Agendâu, Papurau a Thrawsgrifiadau (24 Mehefin 2009)
Cyfnod 1
Pwyllgor yn ystyried egwyddorion cyffredinol y Mesur arfaethedig, a'r Cynulliad yn cytuno ar yr egwyddorion cyffredinol hynny.
Dadl yn y Cyfarfod Llawn
Cytunood y Cynulliad ar egwyddorion cyffredinol y Mesur arfaethedig wedi'r ddadl ar Cyfnod 1 yn y Cyfarfod Llawn ar 13 Mai 2009.
Eitemau newyddion cysylltiedig
Ceir eitemau newyddion a baratowyd gan y Cynulliad mewn perthynas â'r ddeddfwriaeth hon yn yr adran Dogfennau Perthnasol ar dudalennau’r Pwyllgor.
Cyfnod 2
Pwyllgor yn ystyried y Mesur arfaethedig ac unrhyw welliannau a gyflwynwyd yn fanwl.
Dechreuodd Cyfnod 2 ar 14 Mai 2009. Mae manylion y gwelliannau a gyflwynwyd ar gael yn:Gwelliannau Cyfnod 2
Cyfnod 3
Y Cynulliad yn ystyried y Mesur arfaethedig ac unrhyw welliannau a ddewiswyd yn fanwl:
Dechreuodd Cyfnod 3 ar 25 Mehefin 2009. Mae manylion y gwelliannau a gyflwynwyd ar gael yn Gwelliannau Cyfnod 3.
Cyfnod 4
Pleidlais gan y Cynulliad i basio testun terfynol y Mesur arfaethedig.
Cafodd y Mesur ei basio gan y Cynulliad yn ystod y trafodion Cyfnod 4 ar 14 Hydref 2009.
Mesur Arfaethedig Comisiynydd Safonau Cynulliad Cenedlaethol Cymru (PDF, 151KB), fel y'i pasiwyd.
Y cyfnod cyn cyflwyno
Cyn cyflwyno i'r Cynulliad, cynhaliodd y Pwyllgor Safonau Ymddygiad ymgynghoriad ar y Mesur arfaethedig drafft.
