Gorchymyn Cymhwysedd Deddfwriaethol arfaethedig ynghylch Peiriannau Lliw Haul

Dai Lloyd

Gwybodaeth cyn y balot: Y Gorchymyn Cymhwysedd Deddfwriaethol arfaethedig amlinellol

Braslun o’r Gorchymyn arfaethedig

Gorchymyn Cymhwysedd Deddfwriaethol i ychwanegu mater at Faes 9 (Iechyd a Gwasanaethau Iechyd) er mwyn galluogi’r Cynulliad i ddarparu ar gyfer rheoleiddio parlyrau harddwch yng nghyswllt gwasanaethau lliw haul.

Gwybodaeth cyn y balot: Memorandwm Esboniadol

Amcanion polisi’r Gorchymyn arfaethedig

Mae defnyddio peiriannau lliw haul at ddibenion cosmetig yn achosi risgiau posibl i iechyd, gan gynnwys canser y croen a difrod i gornea’r llygad.

Effaith fwriedig y ddeddfwriaeth hon yw rhwystro unigolion rhag gwneud defnydd gormodol o beiriannau lliw haul a fydd yn cynyddu’r risgiau posibl i iechyd yr unigolion hynny.