Cyf: LCO-059

Gorchymyn Cymhwysedd Deddfwriaethol arfaethedig ynghylch Darparu Toiledau Cyhoeddus

Jenny Randerson

Gwybodaeth cyn y balot: Y Gorchymyn Cymhwysedd Deddfwriaethol arfaethedig amlinellol

Braslun o’r Gorchymyn arfaethedig

Mewnosod Mater newydd:

Darpariaethau yng nghylch ac yng nghyswllt darparu a chynnal cyfleusterau toiledau cyhoeddus.

Gwybodaeth cyn y balot: Memorandwm Esboniadol

Amcanion Polisi’r Gorchymyn Arfaethedig

1. Mae’r Gorchymyn cymhwysedd deddfwriaethol hwn yn ceisio ffordd o ddarparu a chynnal nifer derbyniol o Doiledau Cyhoeddus yng Nghymru.
2. Ar hyn o bryd nid oes cyfrifoldeb o’r fath ar unrhyw un i wneud hyn a phur anaml y caiff ei weld fel blaenoriaeth oherwydd galwadau ariannol sy’n fwyfwy tynn a chystadleuol.
3. Mae mynediad at doiledau diogel a glân yn flaenoriaeth allweddol i nifer o ymwelwyr â chanol trefi ac atyniadau i dwristiaid.
4. Ar hyn o bryd ceir anghydraddoldeb mynediad at doiledau cyhoeddus ar gyfer menywod, yr henoed, pobl ag anghenion arbennig a phlant.
5. Mae’r ddeddfwriaeth gyfredol fwyaf perthnasol yn dyddio’n ôl i 1936 (Deddf Iechyd Cyhoeddus)
6. Ar hyn o bryd nid oes cymhwysedd deddfwriaethol.
7. Byddai Gorchymyn cymhwysedd deddfwriaethol yn caniatáu i’r Cynulliad ddadlau a llunio mesurau i ddiweddaru’r ddeddfwriaeth gyfredol ar gyfer Cymru.