Cynulliad Cenedlaethol Cymru

Datblygiad Gorchmynion Cymhwysedd Deddfwriaethol (GCD) a Mesurau cyfredol

Mae'r tablau isod yn crynhoi datblygiad pob GCD a Mesur cyfredol. Mae rhagor o wybodaeth am y Gorchmynion a'r Mesurau sydd wedi dod i ben, neu wedi methu, ar ein tudalen Archif. Caiff y wybodaeth hon ei chasglu gan Wasanaeth Ymchwil yr Aelodau, a chaiff ei diweddaru'n gyson. Ceir rhagor o wybodaeth am Orchmynion Cymhwysedd Deddfwriaethol, Mesurau a'r broses ddeddfwriaethol ar dudalennau Deddfwriaeth y wefan.

GCD | Mesurau

GCD

Gorchymyn

Datblygiad

Diogelwch tân yn y cartref

Gorchymyn Cynulliad Cenedlaethol Cymru (Cymhwysedd Deddfwriaethol) (Tai) (Diogelwch Tân) 2010 (teitl blaenorol Gorchymyn Cynulliad Cenedlaethol Cymru (Cymhwysedd Deddfwriaethol) (Rhif 7) 2008)

Cynigiwyd gan Ann Jones AC

Byddai’r Gorchymyn Cymhwysedd Deddfwriaethol arfaethedig yn rhoi rhagor o gymhwysedd deddfwriaethol i Gynulliad Cenedlaethol Cymru ym maes Tai (Maes 11, Rhan 1, Atodlen 5 i Ddeddf 2006), a hynny er mwyn i Fesur Cynulliad gael ei gyflwyno yn ei gwneud yn ofynnol i system taenellu tân gael ei gosod yn yr holl dai a adeiledir o’r newydd yng Nghymru. Amcan y Gorchymyn Cymhwysedd Deddfwriaethol arfaethedig (ac amcan y Mesur dilynol) yw lleihau nifer y marwolaethau ac anafiadau o danau mewn tai a adeiledir o’r newydd yng Nghymru.

Y Cynulliad:

San Steffan:

Priffyrdd a thrafnidiaeth, yn ymwneud â rhwydweithiau ar gyfer cerddwyr a seiclwyr

Gorchymyn Cynulliad Cenedlaethol Cymru (Cymhwysedd Deddfwriaethol) (Priffyrdd a Thrafnidiaeth) 2009

Cynigiwyd gan y Pwyllgor Menter a Dysgu

Byddai'r Gorchymyn Cymhwysedd Deddfwriaethol arfaethedig yn ymestyn cymhwysedd deddfwriaethol Cynulliad Cenedlaethol Cymru i gynnwys datblygu a chynnal a chadw datblygu a chynnal rhwydweithiau o lwybrau ar gyfer cerddwyr a beicwyr.

Y Cynulliad:

Diwylliant

Gorchymyn Arfaethedig Cynulliad Cenedlaethol Cymru (Diwylliant a Meysydd Eraill) (Amgylchedd) 2009

Cynigiwyd gan Lywodraeth Cynulliad Cymru

Byddai'r Gorchymyn Cymhwysedd Deddfwriaethol arfaethedig yn ymestyn cymhwysedd deddfwriaethol Cynulliad Cenedlaethol Cymru i wneud cyfreithiau newydd i Gymru drwy Fesur mewn perthyans â hyrwyddo a chyflenwi gwasanaethau a gweithgareddau diwylliannol ar draws Cymru gan awdurdodau lleol.

Y Cynulliad:

San Steffan:

Llywodraeth leol, yn ymwneud â chyngorau tref a chymuned

Gorchymyn Cynulliad Cenedlaethol Cymru (Cymhwysedd Deddfwriaethol) (Llywodraeth Leol) 2009

Cynigiwyd gan Lywodraeth Cynulliad Cymru

Byddai’r Gorchymyn Cymhwysedd Deddfwriaethol arfaethedig yn estyn y maes cymhwysedd mewn cysylltiad â llywodraeth leol i gynnwys cynghorau cymuned (sy’n cynnwys eu cyfansoddiad, eu strwythur, eu gweithdrefnau, eu galluogrwydd a’r modd y maent yn cyflenwi gwasanaethau), adolygiadau cymunedol, y gydberthynas rhwng haenau o lywodraeth leol, lwfansau cynghorwyr a recriwtio a chadw cynghorwyr.

Y Cynulliad:

San Steffan:

Llywodraethu ysgolion

Gorchymyn Cynulliad Cenedlaethol Cymru (Cymhwysedd Deddfwriaethol) (Addysg) 2010

Cynigiwyd gan Lywodraeth Cynulliad Cymru

Byddai'r Gorchymyn Cymhwysedd Deddfwriaethol arfaethedig yn estyn y maes cymhwysedd mewn cysylltiad ag addysg a hyfforddiant er mwyn cynnwys ymddygiad a llywodraethu ysgoliopn a gynhelir, diogelu cydweithredu rhwng pobl neu gyrff sydd â swyddogaethau’n ymwneud ag ysgolion a gynhelir a rhoi awdurdod i gyrff llywodraethu (neu bobl neu gyrff sydd â swyddogaethau sy’n ymwneud ag ysgolion a gynhelir) sefydlu corff neu gorff addysgol arall sy’n gallu darparu gwasanaethau i ysgolion a Sefydliadau Addysg Bellach neu a fyddai’n gallu arfer swyddogaethau ar ran awdurdodau addysg lleol.

Y Cynulliad:

San Steffan:

Tai a llywodraeth leol, yn ymwneud â chartrefi cynaliadwy

Gorchymyn Cynulliad Cenedlaethol Cymru (Cymhwysedd Deddfwriaethol) (Tai a Llywodraeth Leol) 2010

Cynigiwyd gan Lywodraeth Cymru

Byddai'r Gorchymyn Cymhwysedd Deddfwriaethol arfaethedig yn ymestyn y meysydd cymhwysedd mewn cysylltiad â Tai a Llywodraeth Leol. Mae'r cymhwysedd o fewn y mesur yn cynnwys: rheoleiddio landlordiaid cymdeithasol, gwaredu gan landlordiaid cymdeithasol, tenantiaeth tai cymdeithasol, digartrefedd, dyrannu tai, cymorth sy’n ymwneud â thai, darparu safleoedd i Sipsiwn-Teithwyr a chartrefi gwag a’r Dreth Gyngor i ail gartrefi

Y Cynulliad:

San Steffan:

Trafnidiaeth, yn ymwneud â diogelwch dysgwyr wrth deithio a thocynnau teithio rhatach

Gorchymyn Cynulliad Cenedlaethol Cymru (Cymhwysedd Deddfwriaethol) (Trafnidiaeth) 2010

Cynigiwyd gan Lywodraeth Cymru

Byddai'r Gorchymyn Cymhwysedd Deddfwriaethol hwn yw ceisio sicrhau rhagor o bwerau i’r Cynulliad Cenedlaethol mewn perthynas â diogelwch dysgwyr wrth deithio ac mewn perthynas â thocynnau teithio rhatach.

Y Cynulliad:

San Steffan:

Darparu gwasanaethau bysiau a choetsys

Cynigiwyd gan Huw Lewis AC

Byddai’r Gorchymyn Cymhwysedd Deddfwriaethol arfaethedig yn rhoi rhagor o gymhwysedd deddfwriaethol i Gynulliad Cenedlaethol Cymru ym maes Priffyrdd a Thrafnidiaeth (Maes 10, Rhan 1, Atodlen 5 i Ddeddf 2006), a hynny er mwyn i Fesur Cynulliad gael ei gyflwyno ynghylch darparu gwasanaethau bysiau a choetsys. Gallai’r Gorchymyn arfaethedig hefyd roi’r pwerau angenrheidiol i’r Cynulliad wella diogelwch cludiant i’r ysgol gan gynnwys defnyddio gwregys diogelwch ar fysiau ysgol ac asesu bysiau ysgol a’r gyrwyr.

Y Cynulliad:

Dangos motiffau a fflagiau cenedlaethol ar blatiau cofrestru cerbydau

Cynigiwyd gan Janet Ryder AC

Byddai’r Gorchymyn Cymhwysedd Deddfwriaethol arfaethedig yn diwygio’r ddeddfwriaeth bresennol ynghylch dangos motiffau a fflagiau cenedlaethol ar blatiau cofrestru cerbydau.

Y Cynulliad:

Arwynebau caled

Cynigiwyd gan Joyce Watson AC

Byddai'r Gorchymyn hwn yw caniatáu i Gynulliad Cenedlaethol Cymru basio Mesur i sicrhau pan fydd arwyneb caled yn cael ei adeiladu a/neu ei ddisodli ei fod yn cael ei wneud o ddeunydd hydraidd neu fod darpariaeth yn cael ei gwneud i sicrhau bod dwr ffo o’r arwyneb caled yn cael ei gyfeirio at arwyneb athraidd neu hydraidd.

Y Cynulliad:

Brig

Mesurau

Mesur

Datblygiad

Caeau Chwarae (Ymgysylltiad Cymunedau â Phenderfyniadau Gwaredu)

Mesur Arfaethedig Caeau Chwarae (Ymgysylltiad Cymunedau â Phenderfyniadau Gwaredu) (Cymru)

Cynigiwyd gan Dai Lloyd AC

Prif ddiben y Mesur arfaethedig yw gosod dyletswydd ar awdurdodau lleol i ystyried yr effaith a gâi gwerthu caeau chwarae sy’n perthyn i’r awdurdodau lleol ar gymunedau lleol, yn nhermau iechyd, lles a chynhwysiant cymdeithasol, cyn iddynt fwrw ymlaen i’w gwerthu neu i gael gwared arnynt. Gan hynny, bydd y Mesur arfaethedig yn gosod dyletswydd ar yr awdurdodau lleol (gan gynnwys y Parciau Cenedlaethol a chynghorau cymuned) i baratoi datganiadau o’r effaith ac ymgynghori arnynt pan fyddant yn cynnig cael gwared ar gaeau chwarae.

Ailgylchu

Mesur Arfaethedig Cludo Gwastraff i’w Adfer (Ymgysylltiad Cymunedau â’r Trefniadau) (Cymru)

Cynigiwyd gan Nerys Evans AC

Diben y Mesur arfaethedig yw sicrhau bod awdurdodau lleol Cymru yw bod yn fwy tryloyw ac agored wrth ymdrin â deunydd ailgylchu. Byddai angen i awdurdodau lleol sicrhau bod gwybodaeth ar gael i’r cyhoedd am y gyfran o ddeunydd ailgylchu a gesglir o gartrefi sy’n cael ei phrosesu o fewn ffiniau’r awdurdodau lleol, yng Nghymru, mewn mannau eraill yn y DU a thramor. O ganlyniad i’r wybodaeth hon, y bwriad yw y bydd trigolion yn annog awdurdodau lleol i ddefnyddio cyfleusterau ailgylchu sydd yn agosach at ffynhonnell y deunydd ailgylchu, yn hytrach na chyfleusterau sydd ymhellach i ffwrdd.

Taliadau

Mesur arfaethedig Cynulliad Cenedlaethol Cymru (Taliadau)

Cynigiwyd gan Gomisiwn Cynulliad Cenedlaethol Cymru

Diben y Mesur arfaethedig yw sefydlu Bwrdd Taliadau annibynnol ar gyfer Cynulliad Cenedlaethol Cymru ("y Bwrdd”) a throsglwyddo i’r Bwrdd swyddogaethau penderfynu ar daliadau Aelodau’r Cynulliad, Prif Weinidog Cymru, Gweinidogion Cymru, y Cwnsler Cyffredinol a Dirprwy Weinidogion Cymru, a dibenion sy’n gysylltiedig â hynny. Mae’r swyddogaethau hyn yn cynnwys pennu ac adolygu cyflogau Aelodau’r Cynulliad, eu lwfansau a’u pensiynau. Byddai hyn yn mynd â’r cyfrifoldeb dros y swyddogaethau hyn oddi ar Gynulliad Cenedlaethol Cymru, sef swyddogaethau sydd wedi’u rhoi ar hyn o bryd i Gomisiwn y Cynulliad.

Diwydiant cig coch

Mesur arfaethedig ynghylch y Diwydiant Cig Coch (Cymru)

Cynigiwyd gan Lywodraeth Cynulliad Cymru

Diben y Mesur arfaethedig yw darparu pwerau i Weinidogion Cymru i fedru gosod fframwaith er mwyn galluogi datblygu a hybu'r diwydiant cig coch yng Nghymru. Mae'n cynnwys gwneud darpariaethau am gynyddu effeithiolrwydd neu chynhyrchedd o fewn y diwydiant, gwella marchnata o fewn y diwydiant, gwella a datblygu'r gwasanaethau y mae'r diwydiant yn darparu neu y gall darparu i'r gymuned a gwella'r ffyrdd y mae'r diwydiant yn cyfrannu at datblygu cynaliadwy.

Asesu’r galw am addysg cyfrwng Cymraeg

Cynigiwyd gan Janet Ryder AC

Hawliau gweithwyr ag anghenion dysgu ychwanegol

Cynigiwyd gan Jeff Cuthbert AC

Strategaethau ar gyfer gofalwyr

Mesur arfaethedig ynghylch Strategaethau ar gyfer Gofalwyr (Cymru)

Cynigiwyd gan Lywodraeth Cymru

Diben y Mesur hwn yw galluogi'r Cynulliad Cenedlaethol i ddeddfu i gyflwyno gofyniad newydd ar y GIG ac Awdurdodau Lleol yng Nghymru ("yr awdurdodau perthnasol") i weithio mewn partneriaeth i baratoi, cyhoeddi a gweithredu strategaeth ar y cyd mewn perthynas â gofalwyr.  Bydd y strategaeth yn darparu ar gyfer darparu gwybodaeth a chyngor i ofalwyr ac ar gyfer ymgynghori effeithiol gan yr awdurdodau perthnasol â gofalwyr wrth wneud penderfyniadau am ddarparu gwasanaethau i ofalwyr neu i'r person y gofelir amdano, neu ar gyfer y naill neu'r llall ohonynt.

Gwastraff

Mesur arfaethedig ynghylch Gwastraff (Cymru)

Cynigiwyd gan Lywodraeth Cymru

Mae Mesur arfaethedig ynghylch Gwastraff (Cymru) 2010 yn gwneud darpariaeth i leihau maint y gwastraff a sbwriel yng Nghymru ac yn cyfrannu at ddatblygu trefniadau mwy effeithiol ar gyfer rheoli gwastraff yng Nghymru.

Y Gymraeg

Mesur arfaethedig y Gymraeg (Cymru)

Cynigiwyd gan Lywodraeth Cymru

Bwriedir i Fesur Arfaethedig y Gymraeg (Cymru) 2010 foderneiddio'r fframwaith cyfreithiol cyfredol sy'n cael ei lywodraethu'n bennaf gan Ddeddf yr Iaith Gymraeg 1993 ynghylch defnyddio'r Gymraeg wrth ddarparu gwasanaethau cyhoeddus.

Bydd y mesur yn cynnwys darpariaeth ynglyn â statws swyddogol y Gymraeg yng Nghymru; yn sefydlu swydd Comisiynydd y Gymraeg; yn gwneud darpariaeth ar gyfer creu Panel Cynghori i'r Comisiynydd; yn diddymu Bwrdd yr Iaith Gymraeg; yn gwneud darpariaethau ynglyn â safonau yn ymwneud â'r Gymraeg (a fydd yn y pen draw yn cymryd lle cynlluniau iaith),  yn gwneud darpariaeth ynglyn ag ymchwilio i achosion honedig o ymyrraeth â'r rhyddid i ddefnyddio'r Gymraeg ac yn sefydlu Tribiwnlys y Gymraeg.

Addysg oedolion

Mesur arfaethedig ynghylch Addysg Oedolion

Brig

Gwasanaeth e-byst hysbysu

Gellir cofrestru ar wefan y Cynulliad i dderbyn e-byst hysbysu pan gaiff y dudalen hon ei diweddaru.

Brig