Y Pwyllgor Materion Ewropeaidd ac Allanol

Ymchwiliad i Sybsidiaredd

Cylch gorchwyl

Roedd y cylch gorchwyl fel a ganlyn:

Craffu ar y trefniadau presennol ar gyfer monitro sybsidiaredd cynigion Ewropeaidd a sefydlu dulliau a/neu drefniadau ffurfiol ar gyfer cydweithredu rhwng Cynulliad Cenedlaethol Cymru a San Steffan yn y dyfodol a fydd yn cydymffurfio â’r protocolau newydd sy’n gysylltiedig â Chytuniad Lisbon. I ystyried, yn benodol:

• sut y rhoddir gwybod i Gynulliad Cenedlaethol Cymru am gynigion Ewropeaidd sy’n dod o fewn ei gymhwysedd deddfwriaethol a rôl Cynulliad Cenedlaethol Cymru yn y broses hon

• sut y bydd rhanbarthau deddfwriaethol eraill yr Undeb Ewropeaidd yn mynd i’r afael â’r mater o fonitro sybsidiaredd

• sut y bydd y protocol newydd a nodir yng Nghytuniad Lisbon yn effeithio ar y trefniadau ffurfiol yng Nghymru? Beth fyddai’n gyfnod addas o amser I graffu ar gynnig ac ymateb i Senedd San Steffan?

• beth fydd goblygiadau cytundeb ffurfiol rhwng deddfwrfeydd datganoledig y DU o ran adnoddau a sut y gellir mynd i’r afael â’r rhain?

• sut y gellir cydgysylltu cytundeb ffurfiol rhwng y deddfwrfeydd datganoledig?

• beth fyddai’n digwydd pe bai Cymru yn penderfynu bod cynnig yr UE yn torri’r egwyddor o sybsidiaredd? Beth fyddai’r canlyniad pe bai safbwyntiau’r Cynulliad Cenedlaethol a San Steffan ar gynnig yn wahanol?

• a fyddai’n fwy effeithiol monitro sybsidiaredd ar lefel Ewropeaidd (drwy Bwyllgor y Rhanbarthau) nag ar lefel y DU?