Y Pwyllgor Cynaliadwyedd
Darparu Rhandiroedd yng Nghymru
Mae Cynulliad yn cynnal ymchwiliad i randiroedd yng Nghymru.
Cylch gorchwyl
Archwilio’r ffyrdd y gall Llywodraeth Cymru gynorthwyo a darparu cyfleoedd i feithrin y diddordeb cynyddol mewn rhandiroedd a garddio cymunedol, ac archwilio’r ffyrdd y gallai’r gweithgareddau hyn gynnig manteision ehangach.
Bydd yr ymchwiliad yn ystyried y canlynol:
Y galw am safleoedd rhandiroedd yng Nghymru a’r safleoedd sydd ar gael (yn rhai cyhoeddus a phreifat);
Y rhwystrau / cyfyngiadau (i ddefnyddwyr a darparwyr);
Dulliau arloesol o ddarparu tir ar gyfer rhandiroedd;
Tystiolaeth o’r manteision ehangach y gall deiliad rhandir eu cael o arddio rhandir a’r cyfleoedd sydd ar gael i ddeiliad rhandir (er enghraifft manteision iechyd, yr amgylchedd, y gymuned, cludo cynnyrch i’r farchnad);
Yr angen i Lywodraeth Cymru ymyrryd ac awgrymiadau o ran ym mha feysydd y dylai ymyrryd.
