Y Pwyllgor Cynaliadwyedd

Mae Pwyllgor Cynaliadwyedd y Cynulliad yn cynnal ymchwiliad i Randiroedd yng Nghymru.

Cylch gorchwyl yr ymchwiliad yw:

Archwilio’r ffyrdd y gall Llywodraeth Cymru gynorthwyo a darparu cyfleoedd i feithrin y diddordeb cynyddol mewn rhandiroedd a garddio cymunedol, ac archwilio’r ffyrdd y gallai’r gweithgareddau hyn gynnig manteision ehangach.

Bydd yr ymchwiliad yn ystyried y canlynol:

1.Y galw am safleoedd rhandiroedd yng Nghymru a’r safleoedd sydd ar gael (yn rhai cyhoeddus a phreifat);

2.Y rhwystrau / cyfyngiadau (i ddefnyddwyr a darparwyr);

3.Dulliau arloesol o ddarparu tir ar gyfer rhandiroedd;

4.Tystiolaeth o’r manteision ehangach y gall deiliad rhandir eu cael o arddio rhandir a’r cyfleoedd sydd ar gael i ddeiliad rhandir (er enghraifft manteision iechyd, yr amgylchedd, y gymuned,  cludo cynnyrch i’r farchnad);

5.Yr angen i Lywodraeth Cymru ymyrryd ac awgrymiadau o ran ym mha feysydd y dylai ymyrryd.

Hoffai’r Pwyllgor glywed barn cynifer o bobl â phosibl am y pwyntiau uchod er mwyn helpu i ddeall pa mor effeithiol yw mentrau Llywodraeth Cymru yn y maes hwn.

Dylech gyflwyno unrhyw dystiolaeth ysgrifenedig erbyn 1 Ebrill 2010, i Meriel Singleton yn:

Sustainability.comm@Wales.gsi.gov.uk

neu at:

Y Pwyllgor Cynaliadwyedd
Cynulliad Cenedlaethol Cymru
Gwasanaeth Seneddol y Cynulliad
Swyddfeydd y Cynulliad
Bae Caerdydd
CF99 1NA

Gellir cael rhagor o wybodaeth am ymchwiliad y Pwyllgor ar ein gwefan yn:

http://www.cynulliadcymru.org/bus-home/bus-committees/bus-committees-third-assem/bus-committees-third-sc-home.htm

Yn gywir

Mike German
Cadeirydd y Pwyllgor Cynaliadwyedd