Yn unol â Rhan 3 o Ddeddf Llywodraeth Cymru 2006, gall y Cynulliad basio deddfwriaeth a elwir yn ‘Fesurau Cynulliad’ ar faterion sydd o fewn ei gymhwysedd deddfwriaethol, hynny yw, materion y mae ganddo hawl i ddeddfu arnynt.
Mae’r Swyddfa Ddeddfwriaeth wedi cynhyrchu fersiwn wedi’i chydgrynhoi o Atodlen 5 , yn nodi hyd a lled diweddaraf cymhwysedd deddfwriaethol y Cynulliad.
Mae Gwasanaeth Ymchwil yr Aelodau wedi cynhyrchu cyfres o "Nodiadau Tracio Pwerau'r Cynulliad", sy’n ddogfennau manylach a fwriadwyd i ddarparu dull rhwydd o dracio ychwanegiadau (a gymeradwywyd ac ychwanegiadau arfaethedig) i Atodlen 5 i Ddeddf Llywodraeth Cymru 2006.
Caiff is-ddeddfwriaeth ei gwneud gan Weinidogion Cymru o dan y weithdrefn penderfyniad negyddol, o dan y weithdrefn penderfyniad cadarnhaol neu heb ddilyn unrhyw weithdrefn o gwbl. Pennir y weithdrefn briodol yn y Ddeddf neu’r Mesur perthnasol.
Newyddion DiweddarafYmgynghoriad cyhoeddus: Y Pwyllgor ar y Gorchymyn ynghylch Plant sy’n Agored i Niwed
Mae’r alwad am dystiolaeth bellach wedi cau a gellir cael mynediad i’r ymatebion a dderbyniwyd yn: rhestr o ymatebion i'r ymgynghoriad.