Ynglŷn â’r Gwasanaeth
Mae'r Gwasanaeth Ymchwil yn cynnig gwasanaeth cyfrinachol a di-duedd i Aelodau'r Cynulliad unigol, eu staff a Phwyllgorau'r Cynulliad.
Mae’r Gwasanaeth Ymchwil yn cynnwys:
pedwar tîm ymchwil sy’n darparu cyngor arbenigol ynghylch meysydd polisi penodol
tîm ymchwil sy’n rhoi gwybodaeth ariannol ac ystadegol arbenigol
tîm ymchwil sy’n rhoi cyngor ynglyn â’r Cynulliad, y cyfansoddiad, deddfwriaeth y DU a’r UE, etholiadau a refferenda
llyfrgell sy’n cynnig amrywiaeth lawn o wasanaethau cyfeirio a gwasanaethau gwybodaeth
Rydym hefyd yn gweithio gyda Swyddfa’r Cynulliad ym Mrwsel sy’n cynnig cymorth, gwybodaeth a chymorth am faterion yn ymwneud â’r UE gan gynnwys cymorth gyda rhaglenni ymweliadau.
Gellir gweld amrywiaeth o friffiau a chyfarwyddydiadau gan y Gwasanaeth Ymchwil ar y wefan hon. Mae'r rhain wedi eu llunio ar gyfer Aelodau'r Cynulliad a'u staff, ond efallai byddant o ddiddordeb i gynulleidfa allanol hefyd.
Er mwyn darparu gwasanaeth ymchwil effeithiol, mae'n bwysig ein bod yn cael gafael ar wybodaeth gyfredol oddi wrth sefydliadau allanol ac hefyd, unigolion gyda gwybodaeth ac arbenigedd mewn ardaloedd pwnc perthnasol. Os hoffech wybod mwy am ein gwaith, neu os oes gennych unrhyw gyhoeddiadau o ddiddordeb i'n hymchwilwyr, defnyddiwch y manylion isod i gysylltu â ni.
Y Gwasanaeth Ymchwil e-bost: Research.Service@wales.gov.uk Twitter: YmchwilCCC |
Am rhagor o wybodaeth am y gwasanaeth gweler: |
Pennaeth y Gwasanaeth |
Kathryn Potter |
Pennaeth y Gwasanaeth dros dro |
Graham Winter |
Tîm y Cynulliad a’r Cyfansoddiad |
Yn darparu cyngor arbenigol ar y Cynulliad; datganoli; cyfansoddiad y DU; deddfwriaeth Cymru, y Deyrnas Unedig a’r Undeb Ewropeaidd (mewn cydweithrediad â Gregg Jones o swyddfa’r UE); llywodraethiant; is-ddeddfwriaeth; etholiadau; a refferenda.
|
Tîm yr Economi, Cymunedau a Llywodraeth Leol |
Cyngor arbenigol ar yr economiy; Yr Undeb Ewropeaidd; cyfiawnder cymdeithasol; lles; cyfle cyfartal; y sector wirfoddol; diogelwch cymunedol; diwylliant; chwaraeon a hamdden; amgueddfeydd a llyfrgelloedd; Y Gymraeg; llywodraeth leol, gwasanaethau cyhoeddus, adfwyio a thai.
|
Y Tïm Addysg a dysgu gydol oes |
Yn darparu cyngor arbenigol ar plant a phobl ifanc, addysg a dysgu gydol oes.
|
Tîm yr Amgylchedd a Thrafnidiaeth |
Darparu cyngor arbenigol ar drafnidiaeth, ynni, yr amgylchedd, cynllunio, amaethyddiaeth, pysgodfeydd, datblygu gwledig, datblygu cynaliadwy, coedwigaeth a dyfroedd morol a mewndirol.
|
Y Tîm Cyllid ac Ystadegau |
Darparu cyngor arbenigol ar gyllidebu a chyllidebau’r Cynulliad, cyllid llywodraeth leol ac ystadegau cyffredinol yn cynnwys dulliau a ffynonellau.
|
Y Tîm Polisi Iechyd a Pholisi Cymdeithasol |
Darparu cyngor arbenigol ar iechyd, cam-drin cyffuriau ac alcohol, gofal cymdeithasol a gwasanaethau cymdeithasol; plant a phobl ifanc; pobl hyn; diogelwch cymdeithasol
|
Y Llyfrgell |
Darparu gwasanaeth gwybodaeth a chyfeirio, yn cynnwys cyhoeddiadau swyddogol, papurau newydd, cyfnodolion, e-adnoddau a gwasnaethau monitro.
|
Swyddfa’r UE |
Mae’r Gwasanaeth Ymchwil yn gweithio’n agos â Swyddfa UE y Cynulliad sydd yn darparu cyngor arbenigol a gwybodaeth am faterion yn ymwneud â’r UE; rhoi cymorth i gynrychiolwyr y Cynulliad Cenedlaethol ar Bwyllgor y Rhanbarthau (a Chyngor Ewrop); hyrwyddo gwaith a buddion y Cynulliad ymhlith y rhai sy’n gwneud penderfyniadau yn yr UE a hwyluso rhaglenni ar gyfer Aelodau’r Cynulliad a dirprwyaethau staff i Frwsel.
Ffôn: +32 (0)2 226 6692 |
