P-03-235 - Rhowch y gorau i’r cynllun difa moch daear (deiseb yr RSPCA)

Derbyniwyd y ddeiseb: 25 Mehefin 2009

Prif deisebydd: Molly Duncan

Nifer y deisebwyr: 304

Geiriad y ddeiseb:

Llofnodwch y ddeiseb heddiw a lleisio’ch barn yn erbyn penderfyniad Llywodraeth Cynulliad Cymru i ddifa moch daear yng Nghymru fel rhan o strategaeth i fynd i’r afael â TB mewn gwartheg.

Mae’r RSPCA wedi cael ei synnu gan y penderfyniad i ddifa moch daear ond mae’n croesawu’r cynlluniau i brofi mwy o wartheg ac i wella bioddiogelwch.

Bu’r Grwp Gwyddonol Annibynnol yn goruchwylio arbrawf i ddifa moch daear yn Lloegr dros 10 mlynedd, a gostiodd £34 miliwn a lladd bron i 11000 o foch daear. Canfu’r ymchwil fod difa moch daear yn newid ymddygiad cymdeithasol y moch daear sy’n weddill, a bod hynny’n ei dro’n cynyddu’r risg y bydd afiechyd yn lledu i foch daear eraill a gwartheg. Dim ond drwy gael gwared ar foch daear dros ardaloedd eang iawn y gellir osgoi’r risg o afiechyd. Daeth y Grwp Gwyddonol Annibynnol i’r casglu nad yw difa moch daear ar raddfa o’r fath yn opsiwn dichonadwy ar gyfer eu rheoli, a hynny oherwydd pryderon yn ymwneud ag elfennau ymarferol, economaidd, cyfreithiol, amgylcheddol a lles.

Statws y ddeiseb: Wedi cau ar 10 Tachwedd 2009

Linc i drawsgrifiad y cyfarfod ar 10 Tachwedd 2009