e-ddeiseb: Dadl panel gyda Ei Uchelder Brenhinol y Tywysog Cymru i drafod dyfodol y Frenhiniaeth
Yr ydym ni sy’n llofnodi isod yn galw ar Gynulliad Cenedlaethol Cymru i drefnu dadl panel gyda'r Tywysog Siarl ac aelod o'r grwp ymgyrchu Republic yng Nghynulliad Cenedlaethol Cymru, i drafod dyfodol y Frenhiniaeth.
Gwybodaeth ychwanegol (darparwyd gan y deisebydd)
Yr ydym yn credu bod y Cynulliad Cenedlaethol yn cynrychioli ysbryd democrataidd newydd yng Nghymru a bod y Frenhiniaeth yn sefydliad hynafol sydd ar ôl yr oes, ac nad oes lle iddi mewn Cymru fodern a ffyniannus. Os yw'r Tywysog Siarl am wasanaethu fel Tywysog Cymru, dylai gydnabod ein hysbryd democrataidd newydd a chymryd rhan mewn dadl gyhoeddus fel ffordd o wneud ei hun yn atebol i bobl Cymru. Yr ydym yn cefnogi’r cysyniad o Bennaeth Gwladwriaeth etholedig, ac yn galw ymhellach ar Lywodraeth Cynulliad Cymru i drafod hyn gyda Llywodraeth San Steffan.
