Y Cynulliad yn eich ardal chi

Ffurfiwyd y Gwasanaeth Gwybodaeth i’r Cyhoedd Rhanbarthol i ddatblygu rhwydweithiau lleol fel rhan o ymrwymiad y Cynulliad i gyrraedd holl bobl Cymru. Mae’r gwasanaeth ar gael ym mhedwar rhanbarth Cymru - y De Ddwyrain, y De Orllewin, Canolbarth a Gogledd Cymru.

Mae Cydgysylltwyr Gwybodaeth i’r Cyhoedd yn Rhanbarthol wedi’u lleoli’n lleol yn eu hardaloedd unigol. Mae eu prif gyfrifoldebau’n cynnwys datblygu cysylltiadau â grwpiau lleol, cymunedol a rhanbarthol trwy fynd i’w digwyddiadau a’u harddangosfeydd a chynnal arddangosfeydd mewn lleoliadau yn y cymunedau megis llyfrgelloedd a chanolfannau hamdden a chynnig gwybodaeth i ymwelwyr am y Cynulliad.

Mae’r Cydgysylltwyr hefyd ar gael i roi cyflwyniadau i grwpiau lleol ynglyn â rôl a gwaith y Cynulliad.  Caiff pob cyflwyniad ei addasu yn ôl yr ardal leol neu’r maes sydd o ddiddordeb arbennig i’r grwp. Gellir hefyd addasu hyd y cyflwyniad a gall barhau rhwng 20 a 45 munud.

I dderbyn rhagor o wybodaeth neu i drefnu i’r cydgysylltwyr rhanbarthol ddod i siarad â’ch grwp neu i fynychu eich digwyddiad cysylltwch â’r Llinell Ffôn Wybodaeth ac Archebu ar y rhif  0845 010 5500 (Ffôn Testun 0845 010 5678) neu defnyddiwch y ffurflen electronaidd.