Cynnal Digwyddiad neu Arddangosfa yn y Senedd

Rhaid i bob cais i gynnal digwyddiad neu arddangosfa yn y Senedd gael ei gefnogi gan Aelod Cynulliad. Dylai unrhyw wahoddiadau ar gyfer y digwyddiad/ arddangosfa gael eu cyhoeddi dan enw’r Aelod Cynulliad sy’n cefnogi, a rhaid iddo/iddi hefyd fod yn bresennol yn y digwyddiad/ arddangosfa.

Dylid anfon ceisiadau ar ffurf electronig.

Wedi i chi roi eich digwyddiad yng Nghalendr y Cynulliad dros dro, a’ch bod wedi sicrhau cefnogaeth gan Aelod Cynulliad, byddwch yn derbyn copi o ffurflen archebu’r Senedd drwy’r e-bost, a bydd angen i chi ei llenwi a’i dychwelyd

Dim ond ceisiadau dros dro yw'r holl geisiadau am ddigwyddiad/arddangosfa ar hyn o bryd. Cyn gynted ag y byddwch yn dychwelyd eich ffurflen archebu wedi’i llenwi, gofynnir am gymeradwyaeth i gynnal eich arddangosfa /digwyddiad. Bydd pob cais yn cael ei ystyried yn ôl y Canllawiau ar gyfer defnyddio’r Senedd a gymeradwywyd gan Bwyllgor y Ty.

Wedi i’ch cais gael ei ystyried byddwn yn cysylltu â chi a byddwch yn cael gwybod a yw wedi bod yn llwyddiannus ai peidio.

Bydd holl drefnwyr digwyddiadau/arddangosfeydd a gymeradwywyd yn derbyn y telerau ac amodau sy’n sôn am y defnydd a wneir o’r Senedd. Rhaid i bob trefnydd lofnodi a dychwelyd y telerau ac amodau cyn cynnal ei ddigwyddiad /arddangosfa.

Ar ddiwrnod y digwyddiad /arddangosfa, bydd rhywun yn cyfarfod â'r trefnyddion yn y Senedd i sicrhau bod sylw’n cael ei roi i’w holl anghenion.

Ni ddylai pobl sy’n trefnu digwyddiadau yn y Senedd amser cinio ac am 5.30pm ar ddydd Mawrth a Mercher drefnu bod areithiau’n cael eu cyflwyno ar ôl 1:30pm na chyn 6.00pm.

Os oes gennych unrhyw ymholiadau, neu os ydych am ymweld â’r Senedd cyn y digwyddiad /arddangosfa, cysylltwch â’r Ddesg Gymorth Adeiladau ar y rhif 02920 898088.