Gwasanaeth Addysgol Peripatetig

Mae’r Cynulliad yn cynnig gwasanaeth addysgol peripatetig drwy ysgolion a cholegau yng Ngogledd Cymru, Canolbarth a Gorllewin Cymru a De Cymru sy’n cynnwys cyflwyniad a gweithdy. Gellir trefnu cyflwyniadau hefyd cyn ymweliadau addysgol i Siambr Hywel

Os oes angen rhagor o wybodaeth arnoch, neu os hoffech neilltuo lle, ffoniwch y llinell archebu ar 0845 010 5500. Dylai'r manylion a ganlyn fod gennych wrth archebu:

• enw’r ysgol neu’r coleg;
• dyddiad yr ymweliad;
• amser yr ymweliad;
• enw a chyfeiriad y trefnydd;
• amcan /rhesymau dros yr ymweliad;
• yr ymweliad i’w gynnal yn Gymraeg neu'n Saesneg;
• anghenion arbennig;
• nifer yn y grwp a’r ystod oedran (os yn berthnasol);
• nifer yr oedolion cyfrifol (os yn berthnasol);

Gwybodaeth bwysig i’w chofio wrth drefnu ymweliadau addysgol:

• cofiwch nodi a oes gan unrhyw aelod o’ch grwp anghenion mynediad wrth drefnu'r ymweliad;
• rhaid cadarnhau pob archeb bythefnos cyn yr ymweliad. Ar ôl i ni dderbyn eich manylion, anfonir llythyr cadarnhau atoch;
• rhaid rhoi o leiaf 10 diwrnod  o rybudd os ydych am ganslo ymweliad;
• dylai trefnwyr yr ymweliad sicrhau bod y gymhareb rhwng staff a disgyblion yn y grwp sy’n ymweld yn cydymffurfio â chanllawiau’r Awdurdod Lleol.