Canolfan ymwelwyr y Gogledd

Mae’r arddangosfa yn y Ganolfan yn gyfle unigryw i ymwelwyr weld y wybodaeth ddiweddaraf am bwy yw pwy, sut y mae’r Cynulliad yn gweithio. a sut y mae'n effeithio ar bobl yng Nghymru. Mae mynediad am ddim a darperir cyfleusterau ar gyfer pobl anabl.

Mae teithiau tywys a drefnir ymlaen llaw ar gael am ddim. Bydd Tywyswyr yn hebrwng ymwelwyr o amgylch yr arddangosfa ac yn esbonio sut mae’r Cynulliad yn gweithio ac yn ateb unrhyw gwestiynau. I gael rhagor o wybodaeth ewch i'r adran ar ymweliadau grwp. Gellir trefnu ymweliadau nos ymlaen llaw hefyd.

Mae Siop y Cynulliad yn cynnig amrywiaeth helaeth o anrhegion a nwyddau o Gymru â brand y Cynulliad Cenedlaethol arnynt.

Mae'r ganolfan ar agor rhwng 9.00am a 5.00pm o ddydd Llun i ddydd Gwener. Gallwch ddod i mewn hyd at 15 munud cyn yr amser cau. Dylid caniatáu 30 munud i weld yr arddangosfa.

Rhaid archebu ar gyfer Ymweliadau Grwp ymlaen llaw. I archebu dylech:

• ffonio’r Llinell Archebu ar 0845 010 5500 (ffôn testun: 0845 010 5678)
• llenwi'r ffurflen archebu electronig
• ysgrifennu i: Gwasanaeth Archebu’r Cynulliad, Cynulliad Cenedlaethol Cymru, Canolfan Ymwelwyr y Gogledd, Parc y Tywysog, Rhodfa’r Tywysog, Bae Colwyn , Conwy, LL29 8PL