Fforwm

Mae Cynulliad Cenedlaethol Cymru yn adolygu gwahanol agweddau ar ei feysydd cyfrifoldeb yn rheolaidd. Caiff hyn ei wneud fel arfer drwy fusnes y Pwyllgorau, ac mae’r wefan hon yn rhoi cyfle i’r cyhoedd gyfrannu at yr adolygiadau hyn drwy gynnal fforymau trafod. Sylwch y bydd angen i chi gofrestru i gyfrannu at y fforymau.

Bydd linc o’r hafan i’r fforymau byw. Bydd cyflwyniad cyffredinol i bob fforwm yn egluro’i bwrpas a’i gylch gwaith. Bydd y pynciau sy’n dal yn cael eu trafod, ac y gallwch ymateb iddynt, wedi’u rhestru ar y dudalen gyflwyno, ac os oes terfyn amser ar y drafodaeth, bydd y dyddiad cau wedi’i nodi. Bydd yn bosibl gweld y sylwadau ar y trafodaethau a ddaeth i ben, ond ni fydd yn bosibl i chi ychwanegu atynt.

Cymedroli

Bydd yr holl sylwadau sy’n cael eu hanfon at y fforymau trafod yn cael eu cymedroli ymlaen llaw gan staff Cynulliad Cenedlaethol Cymru, sy’n golygu na fydd y sylwadau’n ymddangos ar unwaith ar y safle. Bydd y gwaith cymedroli’n mynd rhagddo rhwng 9am - 5pm o ddydd Llun i ddydd Gwener (ac eithrio Gwyliau'r Banc).

Os bydd y cymedrolwr yn credu bod unrhyw neges yn torri rheolau ein hamodau a’n telerau, ni chaiff ei chynnwys. Byddwn yn anfon e-bost at y defnyddiwr yn egluro pam fod y neges wedi’i gwrthod.

Iaith

Bydd yr holl fforymau a’r pynciau’n ddwyieithog, a gallwch anfon sylwadau yn Gymraeg neu Saesneg at y safle priodol. Sylwch na chaiff yr ymatebion eu cyfieithu, a bydd y cymedrolwr yn gallu symud unrhyw sylwadau Saesneg oddi ar y safle Cymraeg ac i’r gwrthwyneb. Bydd cyfanswm yr ymatebion yn cynnwys yr holl ymatebion a gafwyd yn Saesneg ac yn Gymraeg. Mae’n bosibl gweld y sylwadau yn y naill iaith neu’r llall arall drwy ddefnyddio’r tab ar y panel llywio ar y chwith.

Cofrestru

Bydd angen i chi gofrestru a mewngofnodi ar y wefan cyn i chi fedru anfon sylwadau ar unrhyw bwnc. Gallwch wneud hyn drwy ddilyn y lincs ar dudalennau’r fforwm, neu drwy ddewis y linc Fy Manylion ar frig y dudalen. Sylwch na fydd y linc hon yn caniatáu i chi fynd yn ôl i’r fforwm gwreiddiol ar ôl i chi roi’ch manylion.

Mae’r wefan wedi’i datblygu i fod yn gydnaws â nifer fawr o borwyr a safonau hygyrchedd uchel. Felly, drwy ddewis gweld rhagor o sylwadau ar bwnc, bydd y pwnc yn agor ond byddwch yn dychwelyd i frig y dudalen. Gan hynny, bydd angen i chi sgrolio i lawr i weld y sylwadau llawn.

Telerau ac Amodau (Rheolau Trafod ar y We)

Wrth gymryd rhan yn ein hymgynghoriadau ar-lein, rydych yn cytuno i’n telerau a’n hamodau. Dyma rai rheolau yr hoffem i chi eu dilyn:

Cofiwch:

Fod yn gwrtais wrth anfon eich sylwadau;
Anfonwch eich sylwadau yn Gymraeg neu’n Saesneg ar y wefan briodol.

Ni fyddwn yn cyfieithu’r sylwadau, ac mae'n bosib y bydd y cymedrolwr yn symud sylwadau i'r wefan briodol.

Ceisiwch osgoi:

Anfon manylion personol (gan gynnwys eich manylion personol chi)
Dynwared person arall neu honni ar gam eich bod yn cynrychioli grwp neu sefydliad
Rhegi neu wneud sylwadau anweddus
Sarhau, bygwth neu bryfocio unrhyw un arall neu unrhyw grwp arall
Anfon unrhyw beth a allai dorri’r gyfraith (e.e. torri hawlfraint, honiadau enllibus, dirmyg llys,)
Defnyddio’r safle i hysbysebu unrhyw gynnyrch masnachol

Bydd ein cymedrolwyr yn dileu rhan o neges neu neges gyfan os teimlant ei bod yn torri unrhyw un o’r rheolau hyn, ac efallai y cewch eich atal rhag anfon unrhyw gyfraniadau pellach. Os ydych yn pryderu bod eich neges yn torri’r rheolau neu ei bod yn amhriodol mewn unrhyw ffordd, cysylltwch â ni i gael cyngor.

Byddwn yn gwneud pob ymdrech i ystyried eich sylwadau mor gyflym â phosibl ac os byddwn yn dod ar draws problem, byddwn yn dileu’r neges cyn gynted â phosibl.

Cofiwch hefyd, trwy gymryd rhan:

Rydych yn rhoi indemniad i Gynulliad Cenedlaethol Cymru rhag unrhyw golledion, hawliadau, gorchmynion, difrod neu dreuliau a honnwyd gan unrhyw drydydd parti oherwydd eich neges, sy’n deillio o’ch neges neu sydd mewn cysylltiad â’ch neges.
Rydych yn rhoi i Gynulliad Cenedlaethol Cymru ganiatâd rhydd o freindal a chaniatâd di-alw’n-ôl i atgynhyrchu unrhyw ddeunydd yr ydych yn ei anfon.