Cofrestru ar y safle

Drwy gofrestru, gallwch ddefnyddio rhai o gyfleusterau arbennig y wefan. Caiff y cyfleusterau hyn eu cymedroli i sicrhau mai dim ond defnyddwyr sydd â chyfeiriad e-bost dilys sy’n gallu defnyddio’r wefan. Bydd angen i chi hefyd dderbyn amodau a thelerau’r safle. Mae hyn yn ein helpu ni i ofalu nad yw unigolion yn difrodi’r gwasanaethau a gynigir ar y wefan.

Sut i gofrestru

Gallwch gofrestru mewn tri cam:

Cam 1 o 3 – Cwblhau’r Ffurflen Gofrestru

Er mwyn cofrestru ar y safle, bydd angen i chi gwblhau ffurflen syml. Rydym wedi paratoi canllaw ar sut i gwblhau’r ffurflen.

Wedi i chi gwblhau’r ffurflen, cliciwch ar y botwm ‘Cofrestru’ i fynd i’r ail gam yn y broses.

Cam 2 o 3 – Byddwn yn anfon ebost agor cyfrif i chi

Bydd ebost agor cyfrif (oddi wrth gwefan.cynulliad@cymru.gsi.gov.uk) yn cael ei anfon i’r cyfeiriad a nodwyd ar y ffurflen gofrestru. Bydd yr e-bost yn cynnwys dolen i agor eich cyfrif. Rhaid i chi unai glicio ar y ddolen neu ei gopïo a’i ludo ar faes cyfeiriadau eich porwr er mwyn agor eich cyfrif.

Cam 3 o 3 – Mae eich cyfrif yn agored ac yn barod i’w ddefnyddio

Bydd dilyn y ddolen yn yr ebost agor cyfrif yn eich arwain i dudalen sy’n cadarnhau bod eich cyfrif wedi ei agor yn llwyddiannus.

Brig>>

Cyfleusterau ar y Wefan

E-ddeisebau

Er mwyn arwyddo neu gyflwyno deiseb ar-lein, bydd angen i chi gwblhau’r ffurflen gofrestru. Mae rheolau'r Cynulliad - y Rheolau Sefydlog - yn nodi bod rhaid i ddeisebwyr a'r rhai sy'n arwyddo deisebau ddarparu eu henwau a'u cyfeiriadau. Rydym yn casglu a storio'r wybodaeth yma'n ddiogel drwy'r broses gofrestru, sy'n golygu mai ond unwaith sydd rhaid i chi anfon eich manylion personol i ni. Wedi i chi gofrestru, gallwch newid a diweddaru eich manylion personol drwy'r adran 'Fy Nghyfrif' ar y wefan, ac arwyddo unrhyw ddeiseb agored drwy glicio botwm.

Tanysgrifio

Gall defnyddwyr danysgrifio i ddweud pa adrannau o’r wefan y mae ganddynt ddiddordeb ynddynt. Drwy ddewis eicon y cas ar waelod y dudalen/tudalennau, bydd tanysgrifwyr yn cael neges e-bost bob dydd yn sôn am unrhyw newidiadau ar y tudalennau hyn. Dim ond un e-bost a anfonnir, waeth faint o’r tudalennau a ddewiswyd sy’n cael eu newid yn ystod y dydd; bydd yr e-bost yn cynnwys dolenni ar gyfer pob un o’r tudalennau a ddewiswyd sydd wedi newid. Gallwch ganfod mwy o wybodaeth am danysgrifio i dudalennau ar dudalen cymorth Tanysgrifio.

Defnyddio'r Fforymau Trafod

Mae Cynulliad Cenedlaethol Cymru yn adolygu gwahanol agweddau ar ei feysydd cyfrifoldeb yn rheolaidd. Caiff hyn ei wneud fel arfer drwy fusnes y Pwyllgorau, ac mae’r wefan hon yn rhoi cyfle i’r cyhoedd gyfrannu at yr adolygiadau hyn drwy gynnal fforymau trafod.

Bydd cyflwyniad cyffredinol i bob fforwm yn egluro’i bwrpas a’i gylch gwaith. Bydd y pynciau sy’n dal yn cael eu trafod, ac y gallwch ymateb iddynt, wedi’u rhestru ar y dudalen gyflwyno. Bydd yn bosibl gweld y sylwadau ar y trafodaethau a ddaeth i ben, ond ni fydd yn bosibl i chi ychwanegu atynt.

Bydd yr holl sylwadau sy’n cael eu hanfon at y fforymau trafod yn cael eu cymedroli ymlaen llaw gan staff Cynulliad Cenedlaethol Cymru, sy’n golygu na fydd y sylwadau’n ymddangos ar unwaith ar y safle. Bydd y gwaith cymedroli’n mynd rhagddo rhwng 9am - 5pm o ddydd Llun i ddydd Gwener (ac eithrio gwyliau’r banc).

Os bydd y cymedrolwr yn credu bod unrhyw neges yn torri rheolau ein hamodau a’n telerau, ni chaiff ei chynnwys. Byddwn yn anfon e-bost at y defnyddiwr yn egluro pam fod y neges wedi’i gwrthod.

Bydd yr holl fforymau a’r pynciau’n ddwyieithog, a gallwch anfon sylwadau yn Gymraeg neu Saesneg at y safle priodol. Sylwch na chaiff yr ymatebion eu cyfieithu, a bydd y cymedrolwr yn gallu symud unrhyw sylwadau Saesneg oddi ar y safle Cymraeg ac i’r gwrthwyneb. Gallwch ganfod mwy o wybodaeth am ddefnyddio'r fforymau trafod ar y dudalen cymorth Fforwm

Cylchlythyr

Mae'n bosib y bydd Cynulliad Cenedlaethol Cymru yn cyhoeddi cylchlythyr electroneg yn y dyfodol, a fydd yn cael ei anfon mewn e-bost i ddefnyddwyr cofrestredig. Os hoffech dderbyn cylchythyr, ticiwch y blwch 'Ie' a dewiswch pa iaith yr hoffech ei dderbyn. Os ydych wedi cofrestru'n barod, ond heb dicio'r blwch i dderbyn y cylchlythyr, gallwch ddewis ei dderbyn drwy glicio ar y ddolen 'Diweddaru eich manylion personol' ar y dudalen 'Fy Manylion'.

Brig>>

Problemau wrth gofrestru

Problemau e-bost agor cyfrif

Nodwch os gwelwch yn dda bod rhai darparwyr cyfrifon e-bost yn ystyried negeseuon gan gwefan.cynulliad@cymru.gsi.gov.uk fel spam neu neges sgrwtsh. Rydym yn argymell eich bod yn ychwannegu’r cyfeiriad yma i’ch rhestr o gyfeiriadau e-bost saff. Os nad yw’r e-bost yn cyrraedd eich cyfrif o fewn hanner awr i chi gyflwyno’r ffurflen gofrestru, ewch i’r dudalen Cofrestru – ebost agor cyfrif

Ydych chi wedi anghofio eich cyfrinair?

Os ydych wedi anghofio eich cyfrinair, gallwch ei ail-osod drwy’r dudalen ‘Anghofio eich cyfrinair’

Mae'r system yn adnabod llythrennau is a phriflythrennau, felly nodwch eich cyfrinair yn union fel y gwnaethoch ar y ffurflen gofrestru

Brig>>