Etholwyd Edwina Hart i’r Cynulliad ym 1999 a daeth yn Ysgrifennydd Cyllid cyntaf y Cynulliad. Yn 2000, cafodd hyn ei newid i gynnwys cyfrifoldeb dros lywodraeth leol a daeth yn Weinidog dros Gyllid a Llywodraeth Leol. Ar ôl etholiadau’r Cynulliad yn 2003, bu’n gofalu am y portffolio Cyfiawnder Cymdeithasol newydd a daeth yn Weinidog dros Gyfiawnder Cymdeithasol ac Adfywio. Yn y Trydydd Cynulliad, daeth yn Weinidog dros Iechyd a Gwasanaethau Cymdeithasol. Ynghyd â’i swyddogaeth newydd, parhaodd i fod yn gyfrifol am gyswllt y Cabinet â’r lluoedd arfog yng Nghymru. Ei phrif ddiddordebau gwleidyddol yw cyfle cyfartal a datblygu economaidd.

Cynulliad Cenedlaethol Cymru,
Bae Caerdydd,
Caerdydd,
CF99 1NA