Fe'i ganed yn Glasgow ym 1948. Fe'i haddysgwyd yn Ysgol Uwchradd Sirol yr Eglwys Newydd a Choleg y Brifysgol, Caerdydd. Mae gan Jeff radd anrhydedd mewn Perianneg Mwyngloddio ac ef oedd Llywydd Undeb Myfyrwyr Prifysgol Caerdydd ym 1974-75.

Cyn cael ei ethol i’r Cynulliad Cenedlaethol yn 2003, yr oedd Jeff yn gweithio i Gyd-bwyllgor Addysg Cymru fel pennaeth Uned Ased i Ddiwydiant a fyddai’n gweithio ar ddatblygu cymwysterau a safonau galwedigaethol a diwydiannol.

Ers bod yn Aelod Cynulliad, mae Jeff wedi bod yn gadeirydd y Pwyllgor Monitro Rhaglen Amcan Un ar gyfer Gorllewin Cymru a’r Cymoedd. Bu’n aelod o’r Pwyllgor Addysg, Dysgu Gydol Oes a Sgiliau, y Pwyllgor Materion Ewropeaidd ac Allanol, a’r Pwyllgor Deddfau. Jeff yw sylfaenydd a chadeirydd y Grwp Hollbleidiol ar Fyw'n Iach.

Mae diddordebau Jeff yn cynnwys hyrwyddo addysg alwedigaethol a hyfforddiant sgiliau. Dymuniad Jeff yw gweld yr arian Cydgyfeirio newydd yn cael ei ddefnyddio i godi lefelau sgiliau yng Nghymru. Fel rhywun sydd â diabetes math 2, mae Jeff yn cydweithio’n agos ag amryw o sefydliadau (megis Diabetes UK) i godi proffil byw’n iach ledled Cymru.

Mae Jeff wedi bod yn aelod o’r Blaid Lafur ers 1967. Mae’n undebwr llafur gweithgar ac ef yw cydgysylltydd grwp AMICUS (i’w adnabod fel ‘UNITE’ maes o law) yr Aelodau Cynulliad Llafur.

Bywgraffiad Fideo

Fersiwn Band Eang Fersiwn Deialu Fersiwn Testun