Etholwyd Sandy Mewies gyntaf yn Aelod Cynulliad Llafur dros etholaeth Delyn ym mis Mai 2003, ac fe’i hailetholwyd ym mis Mai 2007. Mae Sandy wedi bod yn gadeirydd Pwyllgor Materion Ewropeaidd ac Allanol y Cynulliad, a hefyd yn aelod o’r Pwyllgor Cyfiawnder Cymdeithasol ac Adfywio, Pwyllgor yr Amgylchedd, Cynllunio a Chefn Gwlad, a Phwyllgor Rhanbarth y Gogledd. Cyn hynny, bu'n newyddiadurwraig yn ardal gogledd-ddwyrain Cymru a Chaer am nifer o flynyddoedd. Gweithiodd am dair blynedd yn y sector gwirfoddol fel cynghorydd gofal yn y gymuned cyntaf Ffederasiwn Gofal yn y Gymuned Clwyd yn gweithio gyda'r sector i gynllunio ar gyfer cyflwyno gofal yn y gymuned yng Nghlwyd a chynorthwyo'r sector gwirfoddol a sefydliadau eraill a oedd yn rhan o'r broses. Gweithiodd yn agos â gofalwyr a'r sefydliadau sy'n eu cynrychioli. Ysgrifennodd a chynhyrchodd y Pecyn Gwybodaeth cyntaf erioed i Ofalwyr yng Nghlwyd ar ôl cyflawni'r gwaith ymchwil ar gyfer y pecyn. Addysgwyd Sandy yn Ysgol Ramadeg Merched Grove Park ac mae ganddi radd BA (Anrh). Mae'n Gymrodor Anrhydeddus o Athrofa Addysg Uwch Gogledd Ddwyrain Cymru am ei gwasanaeth i'r gymuned. Bu'n gynghorydd sir yn Wrecsam am dros 16 mlynedd ac yn ystod y cyfnod hwnnw, bu'n gadeirydd gwasanaethau cymdeithasol, yn aelod o'r bwrdd gweithredol, yn gadeirydd pwyllgor craffu, yn ddirprwy arweinydd ac yn faer. Sefydlodd Grwp Agenda 21 Lleol a rhedeg y grwp hwnnw. Mae'r grwp wedi trefnu llawer o brosiectau cymunedol gan gynnwys ariannu cwrs cyfeiriadu, rhaglen casglu sbwriel, rhan o lwybr beicio ac ati.

e-bost: sandy.mewies@cymru.gov.uk

Sandy Mewies AC
Transport House,
64 Chester Street
Y Fflint
CH6 5DH
Ffôn:  01352 763398
Ffacs : 01352 763398

Cynulliad Cenedlaethol Cymru,
Bae Caerdydd,
Caerdydd,
CF99 1NA

Anfon ffurflen electroneg at Aelod
Ffôn: 029 2089 8736

Enw	Plaid	Nifer o bleidleisiau	%
Sandy Elaine Mewies	Llafur	7507	34.6
Antoinette Sandbach	Plaid Geidwadol Cymru	6996	32.3
Meg Elis	Plaid Cymru	3179	14.7
Ian Matthews	Democratiaid Rhyddfrydol	2669	12.3
Derek Bigg	UKIP	1318	6.1