Etholwyd Huw Lewis i’r Cynulliad am y tro cyntaf ym mis Mai 1999. Huw oedd Ysgrifennydd Cyffredinol Cynorthwyol Plaid Lafur Cymru cyn cael ei ethol. Cafodd ei eni ym Merthyr Tudful ym 1964 a’i addysgu ym Mhrifysgol Caeredin. Mae Huw yn gyn-athro cemeg ac mae ei ddiddordebau’n cynnwys addysg a’r heriau sy’n wynebu cymoedd y De. Penodwyd Huw yn Ddirprwy Weinidog dros yr Economi a Thrafnidiaeth gyda chyfrifoldeb arbennig dros Adfywio cyn colli ei swydd yn yr adrefnu a oedd yn deillio o’r llywodraeth glymblaid. Mae wedi adolygu rhaglen wrthdlodi flaengar Llywodraeth Cymru, Cymunedau’n Gyntaf, ac wedi ysgrifennu Cynllun Gweithredu Llywodraeth Cymru ar gyfer dileu tlodi plant. Yn dilyn ei waith eang yn y maes hwn, mae wedi cael ei benodi’n gadeirydd Grwp Arbenigol y Cynulliad ar Dlodi Plant. Ar hyn o bryd, mae Huw yn aelod o Bwyllgor Deddfwriaeth Rhif 1, y Pwyllgor Cyllid a’r Pwyllgor Menter a Dysgu.
Bywgraffiad Fideo
Fersiwn Band Eang
Fersiwn Deialu
Fersiwn Testun