Ganed Mark ym 1959 ac mae’n byw yn Sir y Fflint gyda’i wraig, Hilary, a’u chwe phlentyn. Cyn iddo gael ei ethol i Gynulliad Cenedlaethol Cymru yn 2003, roedd Mark yn gweithio fel Rheolwr Ardal Cymdeithas Adeiladu yn y Gogledd.

Graddiodd Mark o Brifysgol Newcastle Upon Tyne mewn gwleidyddiaeth ac mae hefyd yn aelod cyswllt o Sefydliad Siartredig y Bancwyr. Mae ganddo ddiddordeb brwd yn yr economi ac mewn materion cyfredol a chymdeithasol. Mae’n gyn-gynghorydd cymuned yn Nhreuddyn, cyn-lywodraethwr (a chadeirydd) yn Ysgol Parc y Llan, ac yn gyn-aelod gwirfoddol o fwrdd cymdeithas dai Venture, lle y mae’n dal i fod yn aelod.

Hefyd, Mark yw’r llysgennad yng Nghymru ar gyfer yr Ysgol Frenhinol i Blant Byddar, yn ogystal â llysgennad y Girl Guides yng Nghlwyd, is-lywydd Cymdeithas Chwarae a Chaeau Chwarae Gogledd Cymru, un o noddwyr canolfan seibiant Tyddyn Bach yng Nghonwy, a sylfaenydd CHANT (Ysbytai Cymuned yn Gweithredu’n Genedlaethol Gyda’i Gilydd).

Heblaw gwleidyddiaeth, diddordebau Mark yw treulio amser gyda’i deulu, yn y ty a’r ardd, a hwylio yn Abersoch lle y mae’n aelod o Glwb Hwylio De Sir Caernarfon. Mae’n gyn-gadeirydd y Ford Gron yn yr Wyddgrug, lle y mae’n dal i fod yn aelod.

Bywgraffiad Fideo

Fersiwn Band Eang Fersiwn Deialu Fersiwn Testun

Cynulliad Cenedlaethol Cymru,
Bae Caerdydd,
Caerdydd,
CF99 1NA