Cafodd Andrew Davies ei ethol yn Aelod Cynulliad dros Ganol De Cymru i Blaid Geidwadol Cymru ym mis Mai 2007.  

Mae cefndir Andrew ym myd busnes, fel partner ym musnes amaethyddol y teulu yn ymyl y Bontfaen ym Mro Morgannwg.  

Ganwyd Andrew ym 1968 a chafodd ei addysg mewn ysgolion ym Mhorthcawl ac Eglwys y Santes Fair.

Mae Andrew’n briod â Julia ac mae ganddynt bedwar o blant, pob un yn mynychu ysgolion lleol.  

Mae Andrew yn gyn Is-lywydd y Clwb Ffermwyr Ifainc lleol ac yn gyn Gadeirydd Cymunedau Creadigol, sefydliad sydd am hybu datblygiad strwythurol cymunedau.  Mae Andrew hefyd yn llywydd am oes Cymdeithas Amaethyddol Frenhinol Cymru.

Ymunodd Andrew â Phlaid Geidwadol Cymru ym 1997 gan sefyll fel ymgeisydd Seneddol yng Ngorllewin Caerdydd yn 2001 ac ym Mrycheiniog a Sir Faesyfed yn Etholiad Cyffredinol 2005.  Mae Andrew hefyd yn gyn Is-gadeirydd Ceidwadwyr Canol De Cymru.

Dewiswyd Andrew yn ymgeisydd rhanbarthol dros Ganol De Cymru ym mis Mawrth 2006 ac fe’i hetholwyd yn sgil pendiliad o 5.2% oddi wrth Lafur at y Ceidwadwyr ar draws y rhanbarth.

Ar hyn o bryd Andrew yw Llefarydd ei Blaid ar faterion trafnidiaeth yn y Cynulliad Cenedlaethol.  Ymysg diddordebau gwleidyddol eraill Andrew mae addysg, iechyd a materion gwledig.

Mae Andrew’n aelod o Bwyllgor Deisebau’r Cynulliad, sy’n adolygu deisebau gan y cyhoedd, yn ogystal â bod yn aelod o’r Pwyllgor Is-ddeddfwriaeth.

Caerdydd, Rhondda Cynon Taf a Bro Morgannwg sydd yn ffurfio rhanbarth Andrew yng Nghanol De Cymru .

Bywgraffiad Fideo

Fersiwn Band Eang Fersiwn Deialu Fersiwn Testun

Cynulliad Cenedlaethol Cymru,
Bae Caerdydd,
Caerdydd,
CF99 1NA