Etholwyd Jocelyn Davies i’r Cynulliad ym 1999 a bu’n Rheolwr Busnes Grwp Plaid Cymru ers 2000. Yn yr Ail Gynulliad, roedd yn Gadeirydd y Pwyllgor ar yr Ymchwiliad i’r achosion E.coli yng Nghymru a Phwyllgor Rhanbarth Dwyrain De Cymru. Bu’n aelod o’r Pwyllgorau Iechyd, Archwilio a Safonau ac ar hyn o bryd mae’n Ddirprwy Weinidog dros Dai ac Adfywio. Mae ei diddordebau yn cynnwys anghenion addysgol arbennig a materion cyfansoddiadol.