Y Senedd

Agorwyd y Senedd yn 2006. Mae wedi’i lleoli ar safle godidog ar lan y dwr ym Mae Caerdydd. Mae’n gartref i Siambr ac Ystafelloedd Pwyllgora Cynulliad Cenedlaethol Cymru.

Mae’r Senedd yn hollol dryloyw ar lefel y cyhoedd ac wedi’i gosod ar blinth o lechi sy’n estyn o lan y dwr ac sy’n amgylchynu rhannau preifat yr adeilad. Mae’r to tonnog ysgafn yn rhoi cysgod tu mewn a thu allan i’r adeilad ac mae’n estyn i lawr fel caead ar ffurf twndis dros y Siambr, lle cynhelir y trafodaethau.

Mapiau a Chynlluniau

I weld mapiau a chynlluniau o’r Senedd, gan gynnwys manylion am ei lleoliad, croesdoriadau o’r adeilad a gwybodaeth am yr hyn y gallwch ei weld ymhob parth ac ar bob llawr, cliciwch yma.
Mapiau a Chynlluniau >>

Siambr

Canolbwynt y Senedd yw'r Siambr gron lle y mae'r 60 Aelod Cynulliad yn cynnal Cyfarfodydd Llawn o dan dwndis dramatig sy’n rhan o'r prif do.
Siambr >>

Ystafelloedd Pwyllgora

Mae Pwyllgorau’r Cynulliad yn cynnal cyfarfodydd cyhoeddus yn yr Ystafelloedd Pwyllgora.
Ystafelloedd Pwyllgora >>

Oriel

Mae’r Oriel yn fan agored lle y gall ymwelwyr edrych i mewn i'r Siambr islaw a gweld yr Aelodau wrth eu gwaith. Ceir golygfeydd godidog oddi yno dros Fae Caerdydd a’r adeiladau cyfagos.
Oriel >>

Neuadd

Y Neuadd yw’r man cyhoeddus lle y caiff ymwelwyr eu croesawu i'r Cynulliad.
Neuadd >>

Cwrt

Mae’r Cwrt yn arwain i’r Siambr a’r Ystafelloedd Pwyllgora ac mae'n fan lle y gall Aelodau Cynulliad ymgynnull cyn ac ar ôl cyfarfodydd. Dyma un o’r ychydig barthau yn y Senedd nad yw'n agored i’r cyhoedd.
Cwrt >>

Celf

Comisiynwyd pedwar prosiect gan bedwar artist i sicrhau bod celf yn rhan annatod o’r adeilad. I ganfod mwy am gelf yn y Senedd, cliciwch yma.
Celf >>